Lufta Ukrainë- Rusi, 2 të vdekur nga sulmi ajror rus në Sumy! Zelensky: Po punoj për një plan armëpushimi

Presidenti ukrainas Volodymyr Zelenskyy, ka siguruar se po punon për një plan për t'i dhënë fund luftës.

Sipas La Repubblica, këtë deklaratë ai e bëri në Cernobbio, ditën e djeshme, ku ai pati një takim që zgjati rreth 40 minuta me kryeministren italiane Giorgia Melonin, ndërsa falenderoi popullin italian për mbështetjen e tyre.

"Kam bërë një plan dhe dua ta ndaj" me Biden, Kamala Harris dhe Trump. Do të jetë një pengesë e fortë për Rusinë dhe të jetë në gjendje t'i japë fund luftës në kushte diplomatike", tha ai. 

LEXO EDHE:
‘Shkundet’ kabineti i Zelenskyt, 3 ministra të qeverisë japin dorëheqjen! Presidenti pritet të ndryshojë më shumë se gjysmën e qeverisë

Ndërkohë, vijojnë sulmet mes Rusisë dhe Ukrainës, ku një sulm ajror rus ka vrarë dy persona në qytetin verilindor të Ukrainës, Sumy. Kjo është bërë e ditur nga autoritetet ukrainase.

"Këtë natë armiku nisi një sulm ajror në qytetin Sumy. Dy persona vdiqën, katër të tjerë u plagosën, mes të cilëve dy fëmijë", tha administrata ushtarake e rajonit Sumy në Telegram, duke specifikuar se shtëpitë dhe makinat janë dëmtuar.

S.B/Shqiptarja.com

TAG:
• Lufta Rusi-Ukraine
• Volodymir Zelensky