POP 5

Lajmet më të lexuara të 5 minutave të fundit

Sport

VIDEO/ Lushnja barazon me dy penallti, plasin grushtat në 'Roza Haxhiu'! Tomori dhe Besa marrin tri pikë, Korabi ndalet në Kategorinë e Parë

Kategoria e Parë e futbollit në Shqipëri ka zhvilluar sot disa nga ndeshjet e javës së nëntë.

VIDEO/ Lushnja barazon me dy penallti, plasin grushtat në 'Roza Haxhiu'! Tomori dhe Besa marrin tri pikë, Korabi ndalet në Kategorinë e Parë

Pamje nga Oriku 1-1 Tërbuni

Kategoria e Parë e futbollit në Shqipëri ka zhvilluar sot disa nga ndeshjet e javës së nëntë. Rezultate surprizë në fushë, teksa Korabi është ndalur në transfertë me Orikun duke barazuar 1-1. Lushnja nuk ka shkuar më shumë se barazimi 2-2 në shtëpi me Luzin, teksa në "Roza haxhiu" ka pasur përplasje në tribuna.

Me rezultatin 0-2 në pjesën e parë për Luzin, situata në tribunë ka qenë e tensionuar. Në të 40 minutë tifozët vendas janë përplasur me ata miq. Grushtat dhe shkelmat bënë që ndeshja të ndërpritej për disa minuta. Në pjesën e dytë Canka dy herë nga 11 metra dërgoi shifrat në 2-2.

Video: Panorama Sport -  Përplasja e tifozëve në Lushnjë

Në Pukë, Tërbuni vendas u mund 0-1 nga Besa e Kavajës. Bali në minutën e 74 vendosi ndeshjen. Në Berat, Tomori fitoi 2-1 me Besëlidhjen.

Kategoria e Parë - E shtunë

Tërbuni 0-1 Besa (Bali 74')

Lushnja 2-2 Luzi (Canka 49' (p),Canka 83' (p) / Ramazani 36' (p), Merdini 42')

Oriku 1-1 Korabi

Tomori 2-1 Besëlidhja

Renditja:

Rendit zhvillimet sipas orarit:
Ora 21:14
VIDEO/ Nga fusha dhuna transferohet në tribuna, grushta ndaj familjarëve të futbollistit në Kategorinë e Parë

Lushnja dhe Luzi barazuan 2-2 këtë të shtunë në "Roza Haxhiu", me ndeshjen që vlente për javën e nëntë të Kategorisë së Parë. Miqtë shënuan dy herë në pjesën e parë, me minutën e 40 që solli edhe përplasjen e tifozëve në tribuna, aqsa ndeshja u ndërpre. Mësohet se tifozët vendas janë konfliktuar me familjarët e futbollistit të Luzit, Juxhino Zeqiraj.

Ky i fundit ka kërkuar të zëvendësohet nga trajneri, gjë që edhe ka ndodhur në pjesën e dytë. Lojtari më pas ka shkuar pranë familjarëve. Të tronditur nga skenat e dhunës, miqtë u barazuan 2-2 në pjesën e dytë, me dopietën e Cankës nga 11 metra.

Skenat e dhunës në futbollin shqiptar rikthehen sërish, këtë herë në tribunë. Kujtojmë se një javë më parë në ndeshjen e Kategorisë së Dytë mes Delvinës dhe Elbasanit u dhunua arbitri kryesor i sfidës nga tifozët.

 

S.Dh/Shqiptarja.com

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46