Policia në Lushnje ka vënë në pranga ditën e sotme 2 persona dhe pronarin e një lokali, pasi kishte përshtatur lokalin për organizimin e lojrave të fatit.
Sipas policisë, 3 personat e arrestuar janë pronari i Erion Malaj, 36- vjeç dhe 2 persona të tjerë Arjol Mehilli, 36- vjeç dhe Denis Vishkulli, 34 -vjeç, ku këta të fundit u kapën në flagrancë duke luajtur lojëra fati me celularë.
Gjatë kontrolleve policia ka sekuestruar 3 celularë dhe 15 televizorë që përdoreshin për organizimin e kësaj veprimtarie.
![](https://shqiptarja.com/template/img/NO_ALFA_Kuadrate shqiptarja.png)
Shërbimet e Komisariatit të Policisë Lushnjë, nga kontrollet e vazhdueshme në ambiente të ndryshme, të kryera në kuadër të megaoperacionit "Sundimi i Ligjit", me qëllim goditjen e rasteve të organizimit të kundërligjshëm të lojërave të fatit, kanë konstatuar në lagjen "Xhevdet Nepravishta", Lushnjë, një lokal ku organizoheshin lojëra fati. Për këtë rast u arrestua shtetasi Erion Malaj, 36- vjeç, banues në Lushnjë pasi në lokalin e tij u konstatuan 15 televizorë të cilët shërbenin për aktivitetin e jashtëligjshëm të lojrave të fatit.
Materialet procedurale i kaluan Prokurorisë, për veprime të mëtejshme.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)