Receta

Makarona me mish të grirë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 20 Janar, 12:02 | Përditesimi: 20 Janar, 12:04

Makarona me mish të grirë

Përbërësit:

500 gr makarona
400 gr mish i grirë
1 qepë mesatare
2 thelpinj hudhër
3 lugë gjelle vaj ulliri
400 gr salcë domatesh
1 lç rigon ose borzilok i tharë
Kripë dhe piper sipas shijes
Pak djathë kaçkavall
Pak majdanoz për dekorim

Përgatitja:

LEXO EDHE:
Byrek i shpejtë në tigan me spinaq nga zonja Albana

Në një tenxhere të madhe me ujë të vluar me kripë, ziejmë makaronat sipas udhëzimeve të paketimit. I kullojmë dhe i lëmë mënjanë. Ndërkohë në një tigan të thellë, ngrohim vajin e ullirit në zjarr mesatar. Shtojmë qepën dhe hudhrën dhe i kaurdisim derisa të zbuten. Shtojmë mishin e grirë dhe e skuqim derisa të marrë ngjyrë kafe duke e përzier vazhdimisht për të shmangur formimin e kokrrizave. Më pas hedhim salcën e domates mbi mishin e grirë. Rregullojmë shijen me pak rigon ose borzilok, kripë dhe piper. E lëmë të ziejë në zjarr të ulët për 15 minuta, duke e përzier herë pas here. Në fund shtojmë makaronat e ziera në tigan dhe i përziejmë mirë që salca të përhapet në mënyrë të barabartë. Nëse dëshirojmë më shumë lagështi, shtojmë pak nga uji i zierjes së makaronave. I shërbejmë makaronat të ngrohta, sipër hedhim pak djathë të grirë dhe e dekorojmë me majdanoz.

MC/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com