Malaj për Report Tv: Përjetova djersët e vdekjes, dhimbja më e madhe që kam pasur! U infektua edhe bashkëshorti (Ja dita më e vështirë)

Ish zëvendësministrja e Arsimit, Nora Malaj ka fituar betejën e saj me COVID-19, por pasojat që virusi i ka lënë pas nuk janë të pakta. Këputje, një sistem imunitar i dobët dhe rënia në peshë, janë disa nga shenjat që Malaj raport se ka ende edhe pse betejën me koronavirusin e ka fituar.

Në një intervistë për Report Tv, Malaj shpjegoi për gazetarin simptomat e para që pati dhe si e përballoi sëmundjen, për të cilën u kurua në banesën e saj së bashku me të shoqin, i cili u prek gjithashtu.

Humba e shijes e nuhatjes, temperaturë, dhimbje gjoksi, këputje dhe dhimbje të forta që " fillonin nga rrënja e flokut deri tek maja e gishtave" siç thotë vetë Malaj janë disa nga simptomat që ajo pati. Virusi nuk u tregua i lehtë me të, ku Nora Malaj shprehet se dhimbjet kanë qenë të forta dhe rreziku ishte edhe më real pasi ajo vuan edhe nga diabeti, i cili u rrit ndjeshëm gjatë mjekimit ndaj COVID-19.

Malaj shprehet se do edhe kohë të marrë vetën me trajtim ushqimore dhe mendim pozitiv, pasi nga koronavirus nuk ka vetëm vuajtje fizike, por dhe emocionale e mendore.

"Më ka lënë goditje në të gjithë organizmin dhe ka nevojë për t'u rikuperuar. Kam nevojë për ushqim më të specifikuar dhe rrezet e diellit. Medikamentet e marra ishin të forta të bënin të humbisni në peshe  dhe duhet edhe të mendosh pozitivisht pasi nuk ishte traumë fizike por dhe mendore. Kam nevojë për kohë rikuperimi edhe pas sëmundjes, që mund të zgjasë edhe për 10 deri në 15 ditë.  Më humbi shija e jetës, thjeshtë vegjetoja.  Kisha temperaturë, dhimbje në gjok dhe këputje që fillonte që nga rrënja e flokëve deri tek maja e gishtave. Kisha djersë pa pushim dhe pastaj filloi të humbiste shija dhe nuhatjen, ndërsa në gojë kishe shijen e një metali. Pije ujë dhe nuk e shijoja dhe e vetmja gjë që më kërkonte organizmi ishte dhallë. Pasi bëra skanerin e kuptuam që ishte covid, që e përcaktoi mjeku Pëllumb Pipero. Ai u alarmua pasi unë jam dhe me diabet. Të jem e sinqertë nuk e doja spitalin  dhe filluam mjekimin në shtëpi ku fatkeqësisht u infektua dhe bashkëshorti. Pata momente kur mendoja nuk po duroj dot më", tha Malaj.

"Virusi e arriti kulmin në ditën e 9" thotë Malaj duke e cilësuar si ditën më të vështirë, ndërsa "në ditën e 17 mu rikthye sërish shija"

Malaj shprehet se nuk kishte përballuar kurrë dhimbje të tilla, edhe pse në moshën që ka është përballur me shumë gjëra në jetë. Se ku e ka marrë sëmundjen, kjo mbetet mister edhe për vetë Nora Malajn.

"Nuk e di kur e kam marrë, ndoshta kur isha në spital me nënë time, apo nga të afërmit e që kanë ardhur nga jashtë, të cilët nuk e kanë ditur që e kanë pasur. Ose në ndonjë vend ku mund të jemi ulur për të konsumuar apo pirë diçka. Sinqerisht ngelet si enigmë për mua", tha Malaj.

 Në lidhje me virusin, Malaj shprehet se duhen lënë mënjanë fyerjet dhe sharjet pasi kjo sëmundje ka nevojë edhe për  frymë pozitive.

"Pavarësisht betejave politike, në këtë rast jemi të gjithë njësoj dhe nuk duhet ngatërruar njerëzorja me politikën", tha ajo.

Rendit zhvillimet sipas orarit:

Të Fundit Të Parat

TAG:
• nora malaj
• Koronavirus
• koronavirus ne shqiperi