MALLAKASTER - Një 17-vjeçar është plagosur me thikë një ditë më parë në Mallkastër, pas një sherri mes dy të rinjve për motive të dobëta.

Policia bëri të ditur se arrestoi në flagrancë 17-vjeçarin M.B, banues në Mallakastër, i cili akuzohet për "Vrasje të mbetur në tentativë".

Sipas njoftimit të policisë, 17-vjeçari  i plagosur me iniciale Rr.A, ndodhet në spitalin e Fierit jashtë rrezikut për jetën.  

NJOFTIMI I POLICISE:                                                            
Specialistët për Hetimin e Krimeve të Rënda në Drejtorinë Vendore të Policisë Fier, arrestuarn në flagrancë shtetasin: -M.B, 17 vjeç, banues në Mallakastër.
Arrestimi i shtetasit të mësipërm u bë për veprën penale "Vrasje e mbetur në tentativë", pasi më datën 03.11.2016, në Mallakastër, ka tentuar të vrasë me thikë duke e goditur disa herë shtetasin Rr.A, 17 vjeç, pas një grindje që kanë pasur për motive të dobëta.
Shtetasi Rr.A aktualisht ndodhet në Spitalin Rajonal Fier jashtë rrezikut për jetën.
(er.nu/shqiptarja.com)