POP 5

Lajmet më të lexuara të 5 minutave të fundit

Raporti INSTAT/ Mallrat e blera jashtë vendit rrisin inflacionin! Çmimet e importit u rritën me 10% në tremujorin e parë! Energjia shtrenjtim galopant

Vetëm në tremujorin e parë të vitit Indeksi i Çmimeve të Importit është rritur me 10.7%, në krahasim me tremujorin e parë 2021, ndërsa në raport me fundin e vitit të kaluar produktet e importit janë shtrenjtuar me 6.1%.Sipas raport të INSTAT, ndikimin më të madh në rritjen e çmimeve të produkteve të importuara e ka dhënë energjia elektrike, e cila në raport me vjet është shtrenjtuar me 73.4%

Raporti INSTAT/ Mallrat e blera jashtë vendit rrisin inflacionin! Çmimet e importit u rritën me 10% në tremujorin e parë! Energjia shtrenjtim galopant

Si pasojë e luftës së nisur Ukrainë, dhe dëmtimit të zinxhirit të prodhimit për shkak të pandemisë COVID-19, çmimet po vazhdojnë të rriten me ritme të shpejta.

Vetëm në tremujorin e parë të vitit Indeksi i Çmimeve të Importit është rritur me 10.7%, në krahasim me tremujorin e parë 2021, ndërsa në raport me fundin e vitit të kaluar produktet e importit janë shtrenjtuar me 6.1%.Sipas raport të INSTAT, ndikimin më të madh në rritjen e çmimeve të produkteve të importuara e ka dhënë energjia elektrike, e cila në raport me vjet është shtrenjtuar me 73.4%.

Si pasojë e konfliktit të nisur në Ukrainë, dhe pasigurisë së shtuar çmimi i energjisë elektrike në bursën HUPX, luhateshin deri në 300 euro për megavat, nga 50-60 euro që ishin në vitin e kaluar. Vetëm në tremujorin e parë për tu furnizuar me energji elektrike vendi shpenzoi 128 milionë euro.

Më pas vijnë çmimet në sektorin e industrisë përpunuese që u rritën me 8.6%. Në këtë seksion rritja më e madhe e çmimeve vërehet në produktet e aktivitetit “Përpunimi i koksit dhe rafineria e nënprodukteve të naftës” me 27,1 %, pasuar nga aktivitetet “Metalurgjia” me 21,3 %, “Shtypshkrimi dhe rigrupimi i mediave të regjistruara” me 18,7 %, “Përpunimi i produkteve ushqimore” me 13,1 % “Prodhimi i mjeteve të tjera të transportit” me 12,7 %, “Prodhimi i drurit dhe produkteve prej druri dhe dushku, përveç mobilieve; prodhimin e artikujve prej kashte dhe xunkthi” me 10,6 %, “Prodhimi i produkteve minerale jo metalike” me 9,8 %, “Prodhimi i produkteve optikë, elektronikë, kompjuterikë” me 9,1 %, “Prodhimi i pijeve me 8,2 %, “Prodhimi i kimikateve dhe produkteve kimike” me 7,0 %, “Prodhimi i mobilieve” me 5,8 %, etj

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

27 Janar, 17:46