TIRANË- “Nis të zbatohet programi kombëtar për depistimin e kancerit të qafës së mitrës, me ofrimin e analizën falas për gratë e grupmoshës 40-49 vjeç, pranë qendrave shëndetësore në vend”. Deklarata u bë nga Ministrja Manastirliu, gjatë fjalës së saj në Kuvend.
Manastirliu theksoi se, ky program kombëtar, i miratuar nga Këshilli I Ministrave, është i rëndësishëm për parandalimin e një sëmundje vdekjeprurëse për gratë, siç është kanceri i qafës së mitrës.
Gjatë fjalës së saj në Kuvend, Manastirliu u ndal edhe tek paketat shëndetësore falas, ku veçoi paketën më të re, atë të lenteve të syrit falas.
“Ju kursejmë qytetarëve shqiptarë, kryesisht të moshuarve, rreth 1.5 milion euro, me ofrimin falas të paketës së kataraktit, apo lenteve falas, nga e cila përfitojnë rreth 2200 qytetarë në vit”, tha Manastirliu.
Janë 8100 qytetarë që përfitojnë çdo vit nga paketat shëndetësore falas për kardiologjinë, kardiokirurgjinë, nefrologjinë, etj, në shërbimin publik dhe privat.
Ministrja e Shëndetësisë dhe Mbrojtjes Sociale theksoi gjatë fjalës së saj në Kuvend, se, me reformat e ndërmarra nga qeveria, janë 6 programe të mbrojtjes sociale, duke filluar nga programet në cash e deri te shërbimet sociale në territor, që sigurojnë një mbrojtje më të mirë për qytetarët në nevojë.
Lajme të tjera
-
Rritet numri i vajzave me kancer në qafën e mitrës! ISHP për Report Tv: Çdo vit 40 vdekje dhe 130 raste të reja! Nxitoni të bëni testin, nëse kapet në kohë kurohet
28 Janar 2022, 15:19
-
Ministrja e Shëndetësisë: Test falas për depistimin e hershëm të kancerit të qafës së mitrës, të gjitha gratë 40-50 vjeç të drejtohen pranë qendrave shëndetësore
19 Janar 2022, 16:38 -
Kosova mbetet i vetmi shtet në rajon pa vaksinë kundër HPV
7 Nëntor 2021, 18:12 -
Studimi/ Vaksina e HPV redukton kancerin e qafës së mitrës me gati 90%
4 Nëntor 2021, 08:03 -
Nis vaksinimi kundër gripit, Manastirliu: 368 mijë doza gati! Të parët e marrin mjekët (VIDEO)
30 Shtator 2020, 14:18
