POP 5

Lajmet më të lexuara të 5 minutave të fundit

Politikë

Manastirliu i përgjigjet PD-së: Nuk ka kolaps në sistemin shëndetësor, ka ikur ajo kohë (VIDEO)

Në një vizitë në spitalin infektiv, ministrja e Shëndetësisë mohoi akuzat e bëra nga opozita për kolaps në sistemimin shëndetësor dhe beri me dije se spitali COVID3 është gati. Shefja e Infektivit nuk la pa përgjigje as skeptikët për kapacitetet në dy spitalet COVID

TIRANË- Ministrja e Shëndetësisë, Ogerta Manastirliu, i është përgjigjur akuzave për kolaps të sistemit Shëndetësor, ku thotë se gjë e tillë nuk është e vërtetë.

"Kur të ezaurohen kapacitete e dy spitaleve, kur të shohim që nuk do këtë më hapësira për të shtruar, do hapim Spitalin COVID3. Mjekët dhe infermierët i kemi të përgatitur, e kemi stafi për Spitalin COVID dhe është gati të hapet kur të ezaurohen kapacitetet. Ta vazhdojmë këtë luftë të gjithë së bashku sepse do tja dalim sepse kemi vendosmërinë, por jemi dhe të përgatitur. Ka disa që dalin dhe vënë alarmin që po kolapsin sistemi shëndetësor. Nuk ka asnjë kolaps të sistemit shëndetësor. Është situatë e vështirë", tha Mnastirliu.

Manastirliu shprehet se është situatë e vështirë, sikurse në të gjithë botën, por vendi është i përgatitur.

"Patjetër, e gjithë bota është në situatë të vështirë, Italia ka marrë masa drastike. Ne jemi të përgatitur, por ajo që duam është të kemi sa më pak infektime. Pse duhet ta vendosim sistemin në sforco. I vetmi objektiv që ne kemi të gjithë, është ulja e kurbës së infektimeve. Të mos kemi pikë të lartë infektimesh sepse kjo na shkakton mbingarkesë. Nuk ka kolaps në sistem, ka ikur ajo kohë. Që mund të vendoset në ngarkesë sistemi shëndetësorë në kohë globale? Kemi shtuar kapacitetet në sistem për të mos prekur pjesën tjetër të sistemit”, u shpreh ministrja.

Edhe Shefja e Spitalit Infektiv, Najada Çomo nuk la pa përgjigje skeptikët në lidhje me kapacitetin në spitale.

“Ne jemi në krye të detyrës, sa i takon gjendjes në spitalin infektiv, natyrisht kemi një numër të shtuar të rasteve të personave të infektuar që evidentohet edhe në shtimin e numrit të pacientëve të shtruar në të dy spitalet covid. Aktualisht spitali ka një kapacitet të shtuar në krahasim me vitet e tjera dhe sot që flasim ne kemi një numër të caktuar shtretrish të pacientëve që kanë nevojë të marrin shërbim në kushte spitalore. Edhe me spitalin COVID2 janë aktualisht mbi 50 shtretër si kapacitete të lira”, tha Çomo. 

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Spahiu: Lirimi i Berishës nuk është vendim pafajësie por thjesht masë sigurie

Spahiu: Lirimi i Berishës nuk është vendim pafajësie por thjesht masë sigurie

27 Nëntor, 22:38