POP 5

Lajmet më të lexuara të 5 minutave të fundit

Kronikë

Manastirliu nga qendra shëndetësore verore në Ksamil: Mbi 20 mijë shërbime për pushuesit, fokusi ynë tek vaksinimi masiv +18 vjeç gjatë gjithë muajit

Ministrja e Shëndetësisë deklaroi nga qendra shëndetësore e Ksamilit se fokusi është tek intensifikimi i programit të vaksinimit, duke u bërë thirrje qytetarëve që të vaksinohen sa më parë gjatë këtij muaji të hapur të vaksinimit antiCOVID.

Ministrja e Shëndetësisë, Ogerta Manastirliu ka inspektuar sot qendrën verore në Ksamil, një nga 29 qendrat shëndetësore verore të hapura për pushuesit përgjatë zonave turistike.

"Janë më shumë se 20.000 vizita të kryera në qendrat shëndetësore verore dhe rreth 25% e këtyre vizitave janë shërbime të cilat i janë ofruar turistëve të huaj. Këto struktura jo vetëm kanë një rëndësi parësore në ofrimin e shërbimit, por gjithashtu shmangin fluksin në spitale", tha Manastirliu.

Për kapjen e hershme të rasteve me COVID19, në 29 qendrat verore shëndetësore po ofrohet testimi i shpejtë.

"Testet e shpejta janë pjesë e gjithë shërbimeve që ofrohen në këtë qendër dhe në të 29 qendrat e tjera, në një linjë organizative me gjithë strukturat tona të epidemiologjisë në mënyrë që rastet të kapen hershëm, të izolohen dhe sigurisht të ndiqen nga mjekët e familjes për të marrë shërbimin në kohë", u shpreh Ministrja.

Ministrja e Shëndetësisë deklaroi nga qendra shëndetësore e Ksamilit se fokusi është tek intensifikimi i programit të vaksinimit, duke u bërë thirrje qytetarëve që të vaksinohen sa më parë gjatë këtij muaji të hapur të vaksinimit antiCOVID.

"Ne jemi me programin tonë të vaksinimit derë më derë, në pikat e përqendruara dhe në të gjithë pikat tona të njësive lëvizëse, për të mundësuar rritjen e mbulesës vaksinale në këto kohë të qarkullimit të variantit Delta, ku rëndësi parësore merr vaksinimi i të gjithë popullatës.  Jemi në muajin gusht dhe tashmë vaksinimi +18 vjeç për gjithë këtë muaj, do të jetë në fokus të punës tonë", tha  Manastirliu.

Teksa ka ndjekur nga afër trajtimin e stafit të qendrës shëndetësore verore Ksamil për ndihmën e shpejtë, Manastirliu ka falenderuar dhe shprehur vlerësim për gatishmërinë e shtuar gjatë kësaj periudhe të Urgjencës Kombëtare dhe të gjithë stafeve mjekësore.

Rreth 130 mjekë dhe infermierë në qendrat shëndetësore verore ofrojnë shërbim 24/7 për emergjencat në 29 pika turistike nga veriu në jug. Shërbimi është i përforcuar edhe me autoambulancat e vendosura në postacione fikse përgjatë vijës bregdetare, për një përgjigje sa më të shpejtë për emergjencat mjekësore.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Cilën: 07/08/2021 11:37

    Kë vaksinë do na jepni AstraZeneca që nuk rekomandohet për nën 60 vjeç, apo kinezen, që nuk e njeh njeri nëse udhëton?

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Sot 5 vite nga themelimi i SPAK, SHBA mbështetje për reformën në drejtësi! Zv.ndihmës sekretari për Ballkanin Perëndimor në Tiranë

Sot 5 vite nga themelimi i SPAK, SHBA mbështetje për reformën në drejtësi! Zv.ndihmës sekretari për Ballkanin Perëndimor në Tiranë

19 Dhjetor, 07:22