Marrëdhënia mes Shqipërisë dhe Greqisë ishte tema e emisionit “Në radio”, që u transmetua sot në Radio Tirana 1.
I ftuari i gazetarit Andri Xhahu, profesori i teorisë së shtetit dhe teorisë juridike në Departamentin e Shkencave Politike dhe Historisë në Universitetin Panteion të Athinës, Prof. Dr. Dimitris Christopoulos, shprehet se duhet tejkaluar gjithçka që është trashëguar nga e shkuara, e cila ka ndikuar në marrëdhëniet mes dy vendeve.
“Nuk duhet të bëjmë sikur e shkuara nuk ka rëndësi dhe problemet e të shkuarës t’i fshehim, por duhet të dimë cilat janë, t’i diskutojmë dhe t’i zgjidhim.
Problemi nuk është vetëm çështjet e trashëguara nga e kaluara, por pesha ideologjike që këto probleme kanë te njerëzit. Është qesharake nga moment, që 20 për qind e studentëve të mi janë shqiptarë, të merremi me çështje që i takojnë së shkuarës”, tha Christopoulos.
Në lidhje me reagimin e ish-kryeminstrit grek, Kyriakos Mitsotakis, pas arrestimit të kandidatit për kryebashkiak të Himarës, Fredi Beleri, duke kërcënuar Shqipërinë me anëtarësimin e vendit tonë në Bashkimin Europian, Christopoulos e sheh të tepruar.
“Është një shprehje që thotë njëra dorë lan tjetrën dhe të dyja lajnë fytyrën. Nuk është vetëm kërcënimi i Mitotakis-it në këtë histori. Kur del kryeministri shqiptar dhe akuzon një kandidat duke thënë që do merrem personalisht me të dhe arrestohet, kjo nuk ka të bëjë me shtetin e së drejtës. Reagimi i Mitsotakis-it ishte i tepruar. Hyn në një spirale që duhet ta ndalosh në një moment”, u shpreh ai.
Chrisopoulos mes të tjerave tha se Greqia duhet të ndalojë së bëri "të fortin me shqiptarët.
“Unë e kuptoj se si arroganca e Greqisë shpesh herë në të kaluarën ka plagosur popullin shqiptar. E di gjithashtu sa është plagosur populli shqiptar nga mënyra se si në vitet ‘90 policia e Greqisë është sjellë me emigrantët shqiptarë”, theksoi Profesori.
Sipas tij këto që kanë ndodhur në të kaluarën nuk mund të jenë shkak që të riprodhohen imazhe që nuk kanë lidhje me realitetin e sotëm.
“Greqia duhet ta ulë arrogancën e saj në lidhje me pjesën tjetër të Ballkanit. E bëri këtë me Prespën dhe shpresoj të zgjidhen problematikat shqiptaro-greke me një marrëveshje kuadër, e cila një pjesë do të jetë tërësisht sipas të drejtës ndërkombëtare. Po kështu zgjidhja e imazhit kolektiv nga e kaluara, dhe nga ana tjetër duhet të punohet me arsimin në mënyrë që të ndryshojë imazhi që kemi për njëri-tjetrin”, tha Christopoulos.
I pyetur se si ka ndryshuar imazhi i shqiptarëve në Greqi gjatë këtyre 30 viteve, Dimitris Christopoulos thotë se perceptimi për ta është shumë i mirë.
“Nuk ka asnjë lidhje me perceptimin që ishte para 30 viteve. E para është rritja klasore e shqiptarëve në Greqi. E dyta, Greqia pas viteve ‘90 pati shumë emigrantë. Shqiptarët, në krahasim me komunitetet e tjera të emigrantëve, ishin më afër grekëve. Dhe e treta, nga viti 2015 kemi një numër të madh emigrantësh nga Lindja e Mesme dhe Arabia, ndaj grekët thonë që me shqiptarët jemi njësoj.
Edhe shqiptarët kanë ndryshuar. Kur në vitin 2004 kisha studentët e parë nga Shqipëria, shikoja fëmijë që i kishin duart me kallo sepse punonin. Tani nuk dallohen nga pjesa tjetër e studentëve, vetëm kur kam provimet shoh emrat se kush janë shqiptarë dhe grekë”, deklaroi Christopoulos.
Komente
Lajme të tjera
-
A është Beleri shkaku apo pasoja në qasjen e marrëdhënieve të Greqisë me Shqipërinë?
31 Mars, 22:05
-
Mitsotakis publikon foto bardh e zi me Ramën në samitin e Brukselit: Shqetësimet greke janë marrë parasysh! Po punojmë për ta zgjidhur çështjen 'Beleri'
16 Dhjetor 2023, 12:17 -
Rama pas samitit në Bruksel: Çështjen me Greqinë duhet ta zgjidhim mes nesh! Inceneratori i Tiranës? Nuk jam llogaritar, jam kryeministër
14 Dhjetor 2023, 12:22 -
Beleri rrit tensionet mes Shqipërisë e Greqisë, Ekathimerini: Luajti bllofin për të fituar kohë për përjashtimin automatik të Belerit si kryebashkiak i Himarës
21 Gusht 2023, 12:54 -
‘Lejoni Belerin të betohet edhe nga burgu', thirrja e Greqisë për Shqipërinë
21 Gusht 2023, 10:33
-
‘Kërcënon’ Ministri i Punës në Greqi: Do bllokojmë çdo financim të BE për Shqipërinë nëse Beleri s’betohet! T’i harrojë paratë nga Evropa
21 Gusht 2023, 09:58 -
La për 40 minuta në makinë foshnjën e saj 4 muajsh, arrestohet 22-vjeçarja shqiptare në Selanik! Në pranga edhe shoqja që e shoqëronte për 'shopping'
5 Maj 2023, 12:23 -
Tentoi të kalonte rreth 8 kg drogë drejt Greqisë, arrestohet një person në kufi! Lënda narkotike ishte ndarë në 8 pako të fshehura në makinë
20 Shkurt 2023, 17:49 -
Refugjatët të rënë në 'çarkun' midis kufirit Shqipëri-Greqi! Report Tv depërton në tokën neutrale, sjell dëshmi ekskluzive të emigrantëve të paligjshëm
14 Tetor 2021, 09:53
-
Kufiri detar Shqipëri-Greqi, kryediplomati grek Dendias: Kapitull i ri në marrëdhëniet mes dy vendeve
29 Qershor 2021, 18:15 -
Mediat greke jehonë Parkut Helen në Tiranë
18 Qershor 2021, 09:38 -
Manastirliu: Mbërrijnë 20 mijë doza të vaksinës Astrazeneca, mirënjohje qeverisë greke për mbështetjen
14 Qershor 2021, 11:11
Respekt per kete intelektual,profesor dhe mendje ndritur te shtetit Grek.Fatkeqesia eshte qe zeta te tille te aresyeshem sidhe zera te tjere sizeri i profesorit tjeter Angjelo Sterjiu apo i Mitropoulos,Kutrumanis e te tjere ,nuk degjohen nga politikanet e partive politike greke qe bejne dhe ligjin.Dominojne zera ekstremiste si zeri i Micotaqis,Jeorgjiadhis,Boridhis,Katrugalos e te tjere qe i fryjne me teper racizmit dhe ekstremizmit dhe jo uljes se tensioneve dhe aresyes.
Përgjigju