POP 5

Lajmet më të lexuara të 5 minutave të fundit

Kosova & Rajoni

Marrëveshja e Prespës, Zaev-deputetëve: Nuk kemi falur asgjë, zgjidhni mes të ardhmes europiane dhe izolimit

Kryeministri maqedonas Zoran Zaev i është drejtuar ditën e djeshme deputetëve nga foltorja e Kuvendit, që të bëhen pjesë e atyre që do ta dërgojnë Maqedoninë në familjen europiane.

Marrëveshja e Prespës, Zaev-deputetëve: Nuk kemi falur asgjë, zgjidhni mes të ardhmes europiane dhe izolimit

Kryeministri maqedonas, Zoran Zaev

Kryeministri Zoran Zaev u shpreh gjatë seancës së djeshme parlamentare, ku çelën diskutimet rreth katër ndryshimeve kushtetuese lidhur me marrëveshjen e Prespës, se ky moment është historik për Maqedoninë.

“Ne jemi gjenerata që i mënjanojmë problemet e vjetra. Kemi vendim të çiltër për identitetin maqedonas, për përdorim të përgjithshëm më në fund. Gjuha maqedonase do të flitet lirshëm gjithkund”, u shpreh ai.

Kryeministri Zaev u bëri gjithashtu thirrje deputetëve që të bëhen pjesë e atyre që do ta dërgojnë Maqedoninë në familjen europiane.

“Kemi marrëveshje me pika të qarta për të ardhmen tonë si shtet. Askujt asgjë nuk i kemi falur. Askush asgjë nuk na mori. Zgjidhni në mes të ardhmes europiane dhe izolimit. Bota na sheh dhe pret nga ne përgjegjësi shtetërore”- porosti nga foltorja e Kuvendit kryeministri maqedonas.

Katër ndryshimet kushtetuese që do të merren për marrëveshjen e Prespës, do të futen veçmas për diskutim dhe më pas do të votohen.Sipas Rregullores së Parlamentit, debati për secilën prej ndryshimeve mund të zgjasë deri në tre ditë.

Pasi të përfundojë procesi i ndryshimeve kushtetuese, procedura në Shkup do të marrë fund për t'u mbyllur më pas në Greqi, aty ku kryeministri Aleksis Tsipras shprehet tepër i bindur se do të arrijë që të ratifikojë marrëveshjen.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51