POP 5

Lajmet më të lexuara të 5 minutave të fundit

Kronikë

Masakra në Mat, flet brigadieri: Kujtim Koxha do na vriste të gjithë, ia morën armën nga dora (VIDEO)

Nëse Kujtim Koxhës, autorit të vrasjes së trefishtë në fshatin Shëlli të Matit, nuk do i kishin larguar armën nga dora, ai do kishte kryer një masakër të vërtetë. SIpas Gëzim Hoxhës, Koxha kishte thënë se do t'i vriste të gjithë ata që ndodheshin në lokal, kur vrau dy punonjësit e Bashkisë dhe bashkëfshatarin e tij.

Masakra me tre të vdekur në Mat tronditi të gjithë vendin. Dy nga viktimat ishin punonjës të ndërmarrjes së rrugëve të Bashkisë së Matit, Mentor Hoxha dhe Erzen Aliaj, ndërsa i treti, Hamit Buci, banor i fshatit Shëlli. Një ditë pas ngjarjes ka folur brigadieri i ndërmarrjes Gëzim Hoxha. Ai ka thënë se vrasësi Kujtim Koxha do i vriste të gjithë personat që ndodheshin në lokal, nëse nuk do ia kishin larguar armën nga dora. Ai shprehet se shkaku i vrasjes nuk ka të bëjë me 10 metrat e rrugës siç është raportuar në media, pasi një gjë të tillë ndërmarrja do ta në të gjitha rrugicat e fshatit. Ai thotë gjithashtu se nuk ka qenë në dijeni të ndonjë sherri të mëparshëm të autorit me punonjësit e Bashkisë.

Unë nisëm në mëngjes si gjithnjë me shofërët dhe ikëm në destinacionin e punës në fshatin Shëlli për rikonstruksionin e rrugës. Morëm makineritë dhe mbërritëm. Mbaruam rrugët kryesore, rreth orës 13:00, iu them shoferëve të hajmë drekën në lokal. Atje kur mbërritëm në lokal, aty ka krisur automatiku, në fillimin e bukës. Ne do i bënim të gjitha rrugët, do rrinim edhe një javë tjetër që të mbaronim rrugët e fshatit Shëlli. Unë nuk ia di shtëpinë, por nga lagjia e tij do vijonim pas të hënës. Na thonë se ky kishte gjithë ditën që pinte në lokal. Unë po shihja një rrugë për ta bërë. Më pas jemi futur në lokal, ai kishte dalë nga aty 15 minuta para se të mbërrinim ne. Rreth orës 13:50 janë dëgjuar të shtënat e automatikut. Në 13:52 minuta kam telefonuar kryetarin e bashkisë. Ai ka zbrazur karikatorin. Dhe me vete kishte pasur edhe dy të tjera. E shtyri kryeplaku dhe ia kapi armën. I thoshte kryeplakut më lësho se do i vras të gjithë. Aty mund të ishte bërë hataja, do i kishte vrarë të gjithë. Vrau katër vetë dhe do vriste prap.

Kishte ardhur me qëllim që t'i vriste të gjithë. Hamit Buci që humbi jetën, ishte banor i fshatit, ishte me ne në lokal. I kam telefonuar kryetarit të Bashkisë. I transportova me urgjencë të tre drejt spitalit, Mentor Bucin, Erzen Aliajn dhe Hamit Bucin. Kryeplaku na ftoi të shkonim dhe të drekonim në shtëpinë e tij, por ne shkuam në lokal që të mbaronim punë shpejt. Ai rrinte çdo ditë në këtë lokal, nga mëngjesi e deri në darkë.

Gëzim Hoxha, brigadier i ndërmarrjes së rrugëve në Mat

Masakra në Mat tronditi të gjithë vendin. Bashkia vendosi t’u akordojë titullin “Nderi i Matit” punonjësve, të cilët humbën jetën në krye të detyrës. Ndërsa ditën e sotme, tre viktimat u përcollën për në banesën e fundit. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • emigranti: 12/10/2018 18:51

    bravo matjanite per besen

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu