Bllokohen ligjet me 3/5
Ligjet me shumicë të cilësuar janë bllokuar në Kuvend, duke pritur 84 votat e mazhorancës. Edhe gjatë seancës së djeshme, megjithëse LSI kishte zënë ulëset, sërish mazhoranca nuk arriti më shumë se 74 vota, të mjaftueshme për të miratuar vetëm ligjet me shumicë të cilësuar. Deklarata e një jave më parë e kryetarit të Kuvendit dhe njëherazi liderit të LSI, Ilir Meta se do të reflektohet për mungesat në Kuvend, dha efektin e vet, pasi thuajse i gjithë grupi parlamentar i LSI ishte në seancë gjatë gjithë kohës. Ndonëse LSI ka vendosur të mos mungojë në Kuvend, e njëjta gjë s’mund të thuhet për partnerin tjetër të koalicionit, Partinë Drejtësi, Integrim dhe Unitet. Nga radhët e PDIU dje ka marrë pjesë vetëm deputeti Omer Mamo, ndërsa katër deputetët e tjerë s’kanë qenë të pranishëm në seancë.
Debatet
Diskutimi i projektligjit për Kodin e Etikës së Policisë u bë shkak i debateve dhe akuzave të ashpra mes palëve për situatën e sigurisë dhe rendit në vend. Në replika u përfshinë ministri i Brendshëm, Saimir Tahiri, ai i Jashtëm, Ditmir Bushati, ish kryeministri Sali Berisha si dhe deputetët Pandeli Majko, Taulant Balla, Jozefina Topalli, Eduard Halimi, Edi Paloka dhe Flamur Noka. Akuzat e ndërsjella shkuan për trafikun e drogës, krimin e organizuar dhe mungesën e vullnetit të palëve për të bërë reformën në sistemin e drejtësisë.
Lobim “ulëritës” për taksën e birrës
Kryetari i Komisionit Parlamentar të Ekonomisë, Erjon Braçe u është përgjigjur deputetëve të LSI-së, Përparim Spahiu dhe Silva Caka mbi vërejtjet e tyre për akcizën e birrës. “Nisi lobimi ulëritës i birrës edhe këtë vit! Kam 15 vite rresht që sa herë diskutohet paketa fiskale, veç këtë ulërimë dëgjoj, shoqëruar me kërcënime banale!”, shkruan Braçe në Facebook. Sipas tij, prodhuesit e birrës deklarojnë shifra të rreme në shtet, duke manipuluar. “Bëj biznes ndershëm e paguaj atë që të takon si gjithë të tjerët”.
Shkrimi u botua në Shqiptarja.com (print) në 20 Nentor 2015
Redaksia Online
(e.m/shqiptarja.com)
Lajme të tjera
-
Serbia intensifikon lobimin e saj në Perëndim
28 Korrik 2023, 16:56 -
Skandali i lobimit të Katarit në PE, zv. Presidentja jep dëshminë: I kërkova tim ati të merrte paratë nga shtëpia ime, nuk ishin të mijat
16 Dhjetor 2022, 21:26 -
Deputetët francezë kërkojnë komision hetimor për financimet ruse në politikë, akuzojnë partinë e Le Pen
24 Shtator 2022, 17:23 -
Dosja e SPAK, Petrit Vasili firmosi kontratat e lobimit të Metës me para të dyshimta, nuk u deklaruan në KQZ dhe ILDKP! Rrezikon të merret i pandehur
11 Korrik 2022, 16:26
-
Ato ditë kur presidenti ngjizte lobing me 700 mijë dollarë
22 Qershor 2022, 09:58
-
Gazetarja Xharra: Politikanët kanë paguar për lobimin e tkurrjes së Kosovës
8 Qershor 2020, 23:00
