POP 5

Lajmet më të lexuara të 5 minutave të fundit

Arkiva

Mbarështimi i bagëtive, interes në rritje nga fermerët

TIRANË, 23 Qershor/ATSH/- Fieri, Tirana, Elbasani, Shkodra mbajnë vendin e parë për numrin e gjedhit, krahasuar me zonat e tjera të vendit, ndërsa bagëtitë e leshta mbarështohen më shumë në Vlorë, Gjirokastër dhe Korçë, ndërsa rritja e derrit kryeson grupet e tjera të bagëtive gjatë vitit 2014. Numri i gjedhëve në vitin 2014 arriti në […]
/ATSH/- Fieri, Tirana, Elbasani, Shkodra mbajnë vendin e parë për numrin e gjedhit, krahasuar me zonat e tjera të vendit, ndërsa bagëtitë e leshta mbarështohen më shumë në Vlorë, Gjirokastër dhe Korçë, ndërsa rritja e derrit kryeson grupet e tjera të bagëtive gjatë vitit 2014.
Numri i gjedhëve në vitin 2014 arriti në 499.600 krerë, nga 498.000 krerë që ishte në vitin 2013 me një rritje vjetore me 0,3 %, ku lopët e qumështit dominojnë me 72% ndaj totalit, njofton INSTAT.
Në përqindje në zonat me përqëndrim më të madh të mbarështimit të gjedhit janë Fieri me 14 %, Elbasani me 12 %, Tirana dhe Shkodra me 10 % ndaj numrit total të krerëve në të gjithë vendin, ndërsa Gjirokastra ka numrin më të vogël të gjedhit me 4,6 % ndaj totalit në shkallë vendi.
Numri i bagëtive të leshta gjatë vitit 2014 u rrit vetëm me 2,1%, ndërsa në gjithë vendin numërohen 1.896.000 krerë, ku delet kryesojnë me 75% ndaj bagëtive të tjera.
Rajonet ku është më i përqëndruar mbarështimi i të leshtave është Vlora me 18 %, Gjirokastra dhe Korça me 14 %, ndërsa Lezha ka numrin më të vogël të të leshtave me 1,7 % ndaj totalit të numrit të krerëve në të gjithë vendin.
Mbarështimi i të dhirtave në vitin 2014 u rrit me 4,2% më shumë se në 2013-tën, duke kapur numrin prej 904.000, krerë nga 867.000 krerë në vitin 2013. Në këtë grup kryesojnë dhitë e qumështit me 76 % ndaj totalit të tufës.
Në vitin 2014 numri i krerëve të derrave arriti në 172.500 krerë, nga 152.000 krerë që ishin në vitin 2013, me një rritje vjetore me 13,4 %. Përqëndrimi më madh i numrit të krerëve është në Lezhë me 38% dhe në Shkodër me 30 % ndaj totalit. Kukësi është rajoni që ka numrin më të vogël të derrave me 0,9 % dhe Gjirokastra dhe Elbasani me 1,3 % ndaj totalit të krerëve të derrave në të gjithë vendin.
Vjet për pasojë të rritjes së numrit në tërësi të bagëtive, u vu re rritje e lehtë e prodhimeve blegtorale, krahasuar me vitin 2013. Në terma vjetorë prodhimi i qumështit gjatë viti 2014 u rrit 0,1 % dhe prodhimi i mishit peshë e gjallë 1,3 %.

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

15 Janar, 18:35