Në aeroportin Nënë Tereza kanë mbërritur mbrëmjen e sotme 16,380 doza të vaksinës Pfizer, nga kontrata e qeverisë shqiptare me kompaninë Pfizer si dhe pjesë e mbështetjes së Bashkimit Europian, të siguruara nga qeveria austriake. Vaksina u pritën në aeroportin e Rinasit nga Ministrja e Shëndetësisë, Ogerta Manastirliu, Ambasadori i Bashkimit Europian Luigi Soreca dhe Ambasadori Austriak Christian Steiner.
Manastirliu tha se po shkojmë drejt 1 milion vaksinimeve, ndërsa kanë mbërritur mbi 1.120.000 vaksina deri tani. Vaksinimi masiv, tha Manastirliu do të intensifikohet gjatë verës.
Ambasadori Luigi Soreca u shpreh se deri tani janë rreth 60 mijë vaksina Pfizer që BE ka sjellë për Shqipërinë, ndërsa brenda muajit gusht do të plotësohet kontrata prej rreth 150 mijë vaksinave.
![](https://shqiptarja.com/template/img/NO_ALFA_Kuadrate shqiptarja.png)
Ambasadori austriak Christian Steiner, u shpreh se vaksinat e administruara nga Austria, si pjesë e mbështetjes së BE, janë tregues i qartë i solidaritetit dhe mbështetjes për popullin shqiptar.
Deri tani në Shqipëri kanë mbërritur 1,120,070 vaksina anticovid për të vijuar pa u ndalur me planin kombëtar të vaksinimit, për mbrojtjen e jetës dhe shëndetit të qytetarëve.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)