Rama, Çomo e Kalo bëjnë dozën e dytë të vaksinës anti-COVID, mungoi Pipero! Brenda shkurtit mbërrijnë mbi 40 mijë doza të tjera! Vijohet me të moshuarit

Mjeku Tritan Kalo, i cili bëri sot dozën e dytë të vaksinës anti-covid, tha për mikrofonin e Report Tv se ai nuk ka pasur asnjë shqetësim anësor në lidhje me dozën e parë dhe shpreson që dhe e dyta të vijojnë në të njëjtën mënyrë. Në lidhje me infektimin pas marrjes së vaksinës, si në rastin e Piperos, Kalo tha se bluzat e bardha kanë vijuar të një vigjilentë dhe mbrohen nga virusi.

"Vaksina shkoi për bukuri edhe në dozën e parë nuk kam pasur asnjë shqetësim po ashtu dhe kolegët e mirë. Shpresoj dhe e dyta të shkojë kështu. Të vaksinuarit nuk kanë ulur vigjilencën për tu mbrojtur, janë rregulla që i ndjekim në përditshmëri", tha Kalo.

Mjeku bëri thirrje që qytetarët të mos neglizhojnë masat dhe të mos nënvlerësojnë virusin pasi ende është prezent.

"Qytetarët të kujdesen për vetën e tyre dhe të mos nënvlerësojnë virusin pasi nuk ka kaluar", tha Kalo.

Report Tv ka siguruar formularin që plotësohet nga persona që kanë bërë dozën e parë të vaksinës anti-COVID, lidhur me efekte të mundshme pas injektimit të vaksinës.

Ky formular plotësohet para bërjes së dozës së dytë. Në këtë formular personat që do të bëjnë dozën e dytë të vaksinës pyeten nëse kanë patur efekte si lodhje, dhimbje në vendin e vaksinimit, dhimbje kyçesh, dhimbje muskulare, vështirësi në frymëmarrje etj.

Ministria e Shëndetësisë, Ogerta Manastirliu, nga stadiumi 'Air Albani' ku morën sot dozën e dytë të vaksinës ata që u vaksinuan më 11 janar, ditën e parë. Manastirliu tha se fushata e vaksinimit do të vazhdojë.

"Me ardhjen e dozave të tjera do të jetë edhe vaksinimi për të moshuarit në shtëpitë e të moshuarve. Do të jetë një proces i kombinuar. Vijon vaksinimi për ata që marrë dozën e parë dhe për ata që kanë nevojë dhe janë në vijën e parë. Pipero është mirë. Është duke kaluar ditët e COVID. Nga mjekët që e ndjekin deri tani më informojnë se gjendja e tij është e mirë. Për marrjen e dozës së dytë do të vendosin mjekët dhe infermierët", tha Manastirliu, duke nënvizuar se deri tani në Shqipëri nuk ka raste të varianteve të reja të COVID.

Kryeministri Edi Rama tha se nga komunikimet e mbrëmjes së djeshme Pfizer ka konfirmuar se brenda shkurtit do të sillen edhe mbi 40 mijë doza të tjera të vaksinave që do të mbyllin në këtë mënyrë vaksinimin e bluzave të bardha dhe se më pas do të niset vaksinimi i moshave  më të thyera.

"Nëse i shohim numrat ngushtë dhe jo të gjithë panoramën dhe të gjithë planin, atëherë patjetër që duken shumë pak, por në fakt e para mos të harrojmë që në rajon jemi i vetmi vend së bashku me Serbinë që ka hyrë në zbatimin e kontratës dhe ka filluar vaksinimin për bluzat e bardha, së dyti situata e furnizimit me vaksina në krejt Europën është tejet kaotike. Vende të mëdha kanë filluar kërcënimet për ndjekjen në rrugë gjyqësore të kompanive pasi kërkesa është marramendëse dhe oferta është ende shumë e ulët për shkak të numra të prodhimit. Së treti dje në darkë kemi marrë konfirmimin nga Pfizer që në mes të shkurtit mbërrijnë mbi 10 mijë doza të tjera të parashikuara dhe brenda shkurtit vijnë edhe mbi 30 mijë doza të tjera, që do të thotë që jemi gati të vaksinojmë të gjithë mjekët dhe infermierët dhe të fillojmë më moshën më të thyer. Me këto doza do të hyjnë në dozën e vaksinimit për moshat e thyera. Jemi shumë pranë kontratës me AstraZeneca për një nr dozash që do të vohen në dispozicion. Kemi shumë arsye të jemi optimist që plani ynë për vaksinim në 14 muaj është i mundshëm.

Ne nuk kemi lënë veten e dorë vetëm të Pfizer dhe COVAX por jemi duke negociuar edhe me vaksina të tjera, jam besimplotë se nga të gjitha komunikimi që ne d të shkojmë ën progresin me nr e vaksinave."tha Rama.

Shefja e Spitalit Infektiv, Najada Çomo ka bërë dozën e dytë të vaksinës anti-Covid të Pfizer te "Air Albania"

Kryeministri Edi Rama ka shkuar në stadiumin “Air albania” dhe sapo ka bërë dozën e dytë të vaksinës anti-COVID.

“Skam pasur lodhje, asgjë”,tha Rama.

Shefja e Spitalit Infektiv Najada Çomo sapo kanë mbërritur në stadiumin “Air Albania”, ku do t’i injektohet doza e dytë të vaksinës anti-COVID.