Më shumë se 15% e të rinjve në vend ose rreth 14 mijë kanë zgjedhur të ndjekin shkollat e mesme profesionale. Një prej tyre është edhe Justiniani, i cili studion Teknologji Informacioni në Shkollën e Mesme Profesionale në Kamëz, duke ndjekur pasonin dhe traditën familjare, por edhe si një mundësi e sigurt në tregun e punës.
Justiniani është vetëm 18 vjeç dhe ende pa dalë nga bankat e shkollës ka ëndrra të mëdha për jetën. Ai thotë se është i apasionuar pas IT-së, dhe tregon eksperiencat e para që ka pasur në fushën e teknologjisë që në moshë të vogël.
“Përherë kam qenë i zoti me kompjuterat. Kur kam qenë në klasë të 8-të na kanë mundësuar një pajisje dhe mund ta programonim për çfarëdolloj pune. Unë zgjodha të programoja një sensor për dyert, të dedektoja se sa herë kalonin njerëzit në derë. Nuk e fitova çmimin, por kjo shpikje më dha një dëshirë të madhe të vazhdoja për këtë degë” thotë Justinian Vataj, nxënës i vitit të IV
Por nxitjen kryesore që t’i përkushtohet teknologjisë e ka marrë nga babai i tij që është profesionist në këtë fushë.
“Unë kam pasur shtysë babain sepse ka 30 vite me kompjuterat ka pas qenë gazetar dhe është marrë me redaktimin dhe editimin e gazetave, njihte shumë programe dhe përherë e kam pasur si idhull për të parë dhe vazhduar këtë si rrugë, për kompjuterat”.
Nga të dhënat e drejtorisë rezulton se teknologji-Informacioni është një nga degët më të kërkuara në shkollën e mesme profesionale në Kamëz.
“Aktualisht janë rreth 1450 nxënës këtu, nga vjet kemi 50 regjistrime më shumë. Këtë vit kemi patur një rritje të madhe të numrit të nxënësve që preferojnë TIK. Nga 2 klasa paralele kemi 3 klasa paralele, kemi shtim të numrit të vajzave në këtë degë” tregon Ornela Lala, drejtoreshë e Shkollës së Mesme Profesionale Kamëz
Drejtoresha e shkollës Ornela Lala tregon dhe mundësitë që ofron shkolla profesionale që të rinjtë të fitojnë eksperiencë, pasi gati 50 % e orëve të praktikës bëhen në biznese.
“Të gjithë nxënësit në arsim profesional në klasë XII-të bëjnë rreth 50% të orëve të praktikës në biznese. Një pjesë e këtyre bizneseve duke pasur produktivitet nga praktika e këtyre nxënësve kanë mundësuar që t’i punësojnë me kohë të pjesshme gjatë sezonit të shkollës dhe me kohë të plotë gjatë sezonit të verës. Kemi 110 biznese partnere me shkollën”.
Sipas të dhënave të Instat, nga 96 mijë nxenës që ndjekin arsimin e mesëm në vend, rreth 14 717 prej tyre ndjekin shkollat profesionale duke u profilizuar në zanate të ndryshme, në përputhje me kërkesat e tregut.
Lajme të tjera
-
Pamjet me dron/ Shikoni punimet e Unazës së madhe në Tiranë
2 Nëntor, 15:37 -
Teatri i ri, Veliaj: E ndërtojmë për 100 vitet e ardhshme
2 Nëntor, 15:29 -
Tiranë/ Qëlloi 8 herë me thikë të riun, arrestohet 41-vjeçari i shpallur në kërkim për vrasje të mbetur në tentativë
2 Nëntor, 15:18 -
Veliaj në Torino, takon kryebashkiakun Lo Russo! Nis bashkëpunimi mes dy qyteteve, për Tiranën Kryeqyteti Mesdhetar i Kulturës në 2025
2 Nëntor, 11:31 -
Pa stadium, tifozë dhe ekip! 'Diktatura' e FSHF-së dhe pësimet e KF Tiranës që rikthejnë makthet e së shkuarës
2 Nëntor, 09:54
-
Zbulohet vatër e gripit të shpendëve në Tiranë! Ministria: Vatra u karantinua! Ndalohet lëvizja e shpendëve nga fermat Vorë dhe Kamëz
2 Nëntor, 09:28 -
Për herë të parë në Shqipëri, mbahet mbledhja e Komitetit të Medias së UEFA-s
1 Nëntor, 16:51 -
Vrojtimi i Bankës së Shqipërisë: Turizmi mban në ‘këmbë’ besimin në ekonomi! Ngec sektori i ndërtimit, më pak porosi për apartamente
1 Nëntor, 15:43
-
Transformohet një bllok banimi në Njësinë 3, Veliaj: Premtim i mbajtur, rritet vlera e pronës për banorët e zonës
1 Nëntor, 15:35 -
Gazetari Elton Qyno paraqitet në SPAK, i kthejnë telefonin e të birit
1 Nëntor, 15:18 -
Censi 2023/ 60 mijë familje në Tiranë pa shtëpi por 85 mijë banesa janë bosh
1 Nëntor, 15:15
-
Progres-Raporti i BE/ Ina Zhupa: Situata e lirisë së medias është përkeqësuar, propozimet tona janë rrëzuar nga mazhoranca! Të mos injorohen rekomandimet
1 Nëntor, 13:47
