POP 5

Lajmet më të lexuara të 5 minutave të fundit

Politikë

Mbledhja Bardhi - Rithemelimi me debate, i ndan Berisha! Kundër rezolutës, Gjekmarkaj: Nuk sulmoj SPAK e ndërkombëtarët

Në mbledhjen e parë pa Berishën të grupit Bardhi-Rithemelimi, ish-kryeministri në arrest shtëpie për aferën “Partizani”, kthehet në pikën që i ndan edhe më shumë. Luan Baçi kërkoi që deputetët të firmosin një rezolutë për të dënuar arrestimin e Berishës, por të tjerë i dolën kundër dukë mëshuar se s’mund të sulmojnë drejtësinë dhe ndërkombëtarët që e kanë shpallur 2 herë non grata.

Në tryezë kanë shtruar idenë e Federatës opozitare, në përpjekje për të shkuar drejt parlamentareve të 2025-ës, të bashkuar në një koalicion.

Por teksa tentojnë të afrojnë 2 kampet brenda së djathtës, Rithemelimit të Berishës e deputetëve të Bardhit dhe PD-së zyrtare të Lulzim Bashës që mban dhe vulën e partisë, qetësinë dhe harmoninë nuk po e gjejnë as në strukturën e vetme ku kanë arritur të bashkohen, grupin parlamentar!

Në mbledhjen e parë të grupit Bardhi-Rithemelimi pa Berishën në arrest shtëpie për aferën “Partizani”, ish-kryeministri, kthehet në pikën që i ndan edhe më shumë.

Luan Baci kërkoi që deputetët të firmosin një rezolutë për të dënuar arrestimin e Berishës, por kjo ka hasur kundërshtimin e deputetëve të grupit “Bardhi”, veçanërisht Bledion Nallbatit që e ka konsideruar servilizëm të panevojshëm.

Report Tv ka mësuar se edhe Agron Gjekmarkaj ka deklaruar se nuk do të bëjë pjesë në grupin e atyre që sulmojnë institucionet e drejtësisë dhe ndërkombëtarët, në kushtet kur nuk duhet harruar se Berisha ka ‘damkën’ e dy “non gratave”, nga Shtetet e Bashkuara të Amerikës dhe Britania e Madhe. Nuk duhen harruar sulmet e hapura të Sali Berishës kundër SPAK e gjykatës së Posaçme deri në etiketimet “vrasës” ndaj kreut të Prokurorisë së Posaçme, Altin Dumanit.

Por çështja “Berisha” nuk është e vetmja që shkaktoi debat në mbledhjen me dyer të mbyllura më shumë se 2 orë. Edhe aksioni në parlament, i ndan.

Skenari i tymueseve që dirigjohej nga Berisha kur ish në liri, nuk solli plotësimin e asnjë kërkese të tyre, me 8 komisione hetimore të refuzuara në 2 vitet e fundit, ndaj deputetë si Dashnor Sula kërkuan që aksioni opozitar të arrijë deri në ngujim të tyre në parlament.

Por Gazment Bardhi ka deklaruar se nuk është momenti i përshtatshëm për përshkallëzim, në kushtet kur sipas tij ndërkombëtarët janë në lojë, e në këtë pikë flet për herë të parë për një takim të tijin me ambasadorët dhe përfaqësuesve socialistë, Elisa Spiropali e Klotilda Bushka.

Seanca e parë për këtë sesion parlamentar do të jetë të hënën e 15 janarit 2024.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29