TIRANË - "Mbledhje e jashtëzakonshme në parlament" është komedia e cila në datë 14 shkurt rikthen në teatër regjisoren Elma Doresi me një kast fantastik aktorësh, mes tyre dhe emra shumë të njohur.
Rozana Radi, Dritan Borici, Klod Hoxha, Alban Musa, Ajlin Petrela, Lorenc Kaja, Jorida Meta dhe Aldion Matarangasi, Suela Konjari dhe Elidon Alika janë aktorët që në drejtimin e Doresit dhe me skenë nga Eldo Disha, do të sjellë të qeshura pafund në një komedi brilante britanike, e cila edhe pse e shkruar në vitet 80' nga Ray Cooney, vazhdon të jetë shumë aktuale edhe sot.
Një ministër, një sekretare e opozitës, një dhomë hoteli, është trinomi që shkakton një mori ngjarjesh dramatike për personazhet, por shumë komike për publikun, i cili do të shijojë në hapësirën më të re artistike në Tiranë, në Teatrin e Komedisë "Roland Trebicka", disa orë të paharruara dhe të mbushura plot humor.
"Mbledhje e jashtëzakonshme në parlament" premton të jetë komedia e vitit për shkak të situatave në skenë, por edhe ngjashmërinë me realitetin politik ku është Shqipëria sot.
Lajme të tjera
-
Nuk fliskan prej 6 vitesh, Kastro Zizo ka një kërkesë publike për Rozana Radin
14 Tetor 2022, 22:44 -
Alban Musa largohet nga Rreze Dielli për thyerje të rregullave të higjenës së Covid-19
20 Prill 2020, 11:21 -
Rozana Radi: T'i rikthehemi leximit të librit, jo për t'u argëtuar, por për të jetuar!
28 Mars 2020, 12:23 -
U ‘zhvesh’ në skenë, moderatori: Po, këmbët i kam aq të bukura sa i patë aty… (VIDEO)
27 Shkurt 2020, 11:58
