POP 5

Lajmet më të lexuara të 5 minutave të fundit

Ekonomi

Mbyllet afati i subjekteve për t'u ankuar për pagën e luftës! Refuzimet më të mëdha shkak se ka aplikuar biznesi i madh

Sot ka përfunduar afati që kanë pasur të gjithë subjektet dhe individët për të paraqitur ankesat e tyre në lidhje me faktin që nuk kanë përfituar pagën e luftës që është pjesë e paketës së parë.

TIRANË- Sot ka përfunduar afati që kanë pasur të gjithë subjektet dhe individët për të paraqitur ankesat e tyre në lidhje me faktin që nuk kanë përfituar pagën e luftës që është pjesë e paketës së parë.

Aplikimet për pagën e luftës kanë përfunduar më 18 prill, ku numri i refuzimeve që u bë ishte mbi 60 mijë, për shumë arsye të ndryshme, ku kryesore ishte fakti që shumë nga aplikimet ishin bërë nga biznese të mëdha. Por një arsye tjetër që ka sjell shumë refuzime është edhe regjistrimet e ndryshme të bizneseve në Tatime dhe në QKB. Pra në tatime mund të rezultojë si biznes IT, dyqan rrobash apo një aktivitet tjetër, ndërsa në QKB- rezulton si bar-kafe, restorant etj.

Për këtë situatë që solli shumë refuzime, Drejtoria e Tatimeve bëri thirrje që të saktësojnë kodet dhe llojin e biznesit që ushtrojnë. Një ngërç i tillë ka shkaktuar radhë pranë Qendrës Kombëtare të Biznesit, nga ana e subjekteve që kanë shkuar për të ndryshuar kodin e aktivitetit.

“Për çfarë keni ardhur?

Kam ardhur për të ndryshuar kodin e biznesit. Më thanë po që u rregullua por nuk e di tani.

Kishit orë që prisnit?

Po kisha 6 orë.

Kishit ardhur ditë tjetër?

Po isha tek tatimet tek 21 dhjetori, isha tek bashkia, erdhi gruaja në magjes këtu sepse ajo e ka biznesin, qëndroi dy orë pastaj erdha unë kam 6 orë këtu. Më thanë mbarove punë dhe tashmë punë ka ekonomisti. Domethënë duke qenë 17 vjet biznes me licencë me tatime dhe taksa e të gjitha, dhe tani nuk dal fare në sistem, mbi të gjitha mua nuk më lënë as të hap dyqanin sepse duhet një vendim që ta afishosh aty që të hapësh biznesin, por mua nuk më del në sistem”, u shpreh një qytetar.

 

Refuzime ka pasur edhe për shkak se aplikimet kanë qenë të pasakta, nuk kanë qenë biznese të mbyllura me vendim qeverie, ka pasur edhe refuzime për të dy-punësuarit të cilët do të marrin vetëm një pagë.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

26 Janar, 08:14 nga Blerina Goce