Me gol historik, Ajax fiton Superkupën e Holandës

Ajax e ka nisur sezonin e ri aty ku mbylli të kaluarin pavarësisht se skuadra nga Amsterdami ka larguar disa yje në merkaton e verës. Mbrëmjen e së shtunës Ajax ka bërë të vetin Superkupën e Holandës falë fitores 2-0 kundër PSV.

Ndeshja në ‘Johan Crujff Arena’ nisi me gol pothuajse që nga tuneli, pasi Dolberg realizoi që në sekondën e 35. ‘Bomberi’ këtë sfidë I bëri vetes edhe një vend në histori, pasi ky ishte goli më I shpejtë I realizuar ndonjëherë në këtë kompeticion.

PSV Eint’hoven u përpoq  të reagonte, por e pati të vështirë për të kaluar topin pas shpinës së portierit Onana. Atë që së bëri dot PSV e bëri sërish Ajax pak minuta pas fillimit të pjesës së dytë, me Daley Blind, mbrojtësin e përshtatur si mesfushor, i cili realizoi golin e dytë dhe që njëkohësisht stampoi edhe rezultatin përfundimtar.

Vërshëllima e trefishtë e arbitrit sinjalizoi trofeun e tretë për Ajax pas atij të kampionatit dhe Kupës. Përtej vlerës së kompeticionit ky ishte edhe një test i rëndësishëm për skuadrën e Ten Hag pasi gjatë verës janë larguar yje si Frenkie de Jong dhe Matiis De Ligt.

Ne.k./Shqiptarja.com

TAG:
• Superkupa
• PSV Eindhoven
• Ajax