POP 5

Lajmet më të lexuara të 5 minutave të fundit

Sociale

Nënshkruhet memorandumi i bashkëpunimit mes Agjencisë Kombëtare të Turizmit të Shqipërisë dhe Zvicrës! Promovohen projektet e përbashkëta

Drejtoresha e Përgjithshme e Agjencisë Kombëtare të Turizmit të Shqipërisë, znj. Zana Çela dhe Drejtori i Organizatës Kombëtare të Turizmit të Zvicrës, z. Federico Sommaruga, nënshkruan në selinë e kësaj organizate në Zyrih, një memorandum për bashkëpunimin në fushën e turizmit.

Nënshkruhet memorandumi i bashkëpunimit mes Agjencisë Kombëtare të Turizmit të Shqipërisë dhe Zvicrës! Promovohen projektet e përbashkëta

Zana Çela dhe Federico Sommaruga

Drejtoresha e Përgjithshme e Agjencisë Kombëtare të Turizmit të Shqipërisë, znj. Zana Çela dhe Drejtori i Organizatës Kombëtare të Turizmit të Zvicrës, z. Federico Sommaruga, nënshkruan në selinë e kësaj organizate në Zyrih, një memorandum për bashkëpunimin në fushën e turizmit. Kjo marrëveshje mirëkuptimi vjen në kuadër të idesë se turizmi është një mjet i rëndësishëm për shprehjen e vullnetit të ndërsjellë dhe fuqizimin e marrëdhënieve ndërmjet dy popujve tanë.

Duke e parë turizmin si një faktor të rëndësishëm të jetës ekonomike, kulturore e sociale të të dy shteteve tona, Shqipërisë dhe Zvicrës, palët ranë dakord të inkurajojnë bashkëpunimin për zhvillimin e qëndrueshëm të turizmit, që përfshin asistencë në vendosjen e kontakteve me organizatat përkatëse, dhe në zhvillimin e qasjes për një turizëm të qëndrueshëm gjatë gjithë vitit në zonat malore dhe parqet kombëtare,

Gjithashtu ky memorandum parashikon asistencë në zhvillimin dhe promovimin e produkteve për turistët shqiptarë dhe zviceranë në bashkëpunim me federatën lokale të agjencive turistike përgjegjëse për mbështetjen e tyre jashtë vendit.

Drejtoresha Zana Çela dhe Drejtori Sommaruga u dakortësuan edhe për dhënien e informacioneve të ndërsjella sa i përket ekspozitave, kongreseve, panaireve, ngjarjeve të ndryshme mbi turizmin, si dhe për bashkëpunimin në projekte të përbashkëta për zhvillimin e turizmit të qëndrueshëm.

Memorandumi mes Agjencisë Kombëtare të Turizmit dhe Organizatës Kombëtare të Turizmit në Zvicër u nënshkrua edhe në prani të Ambasadorit të Shqipërisë në Zvicër, z. Ilir Gjoni.

Nënshkrimi i marrëveshjes

 

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça