Pak ditë më parë, talenti i futbollit shqiptar Kristal Abazaj u shit tek ekipi i Anderlecht në Belgjikë për 750 mijë euro, një shifër rekord për një lojtar shqiptar nga Kategoria Superiore. Ndërkohë, talentë të tjerë janë gati të shiten në kampionatet prestigjoze evropiane, madje duke u lakuar shifra deri në 1 milionë euro.
Por a ka talentë shqiptarë futbolli ynë që vlejnë në këto shifra? Përgjigjen e jep menaxheri shqiptar Andi Matraxhiu, që sapo ka realizuar transferimin e Elis Bakajt në kampionatin bjellorus.
“Ka futbollistë, por është klubi që mirëmban këto ‘gonxhe’ që duhet të çelin dhe më pas të lulëzojnë. Historia e Gurit ka një ‘pengesë’ të vogël, pasi Kukësi për këtë vit ende nuk ka performuar në kupat e Europës. Mendoj se klubi i Kukësit nuk duhet të nxitohet, pasi përballë ka një pasarelë të tillë si Europa League apo në Champions League ku ata mund të marrin pjesë.
Pas kësaj edhe kartoni i lojtarit do të rritet akoma më shumë. Mendoj se Kukësi duhet të jetë i duruar, siç po tregon në këto momente, duke lënë mënjanë ofertat nga Azia, madje më pëlqen edhe iniciativa e lojtarit që kërkon të jetë në një klub në Europë” .
Andi Matraxhiu, menaxher futbolli
Menaxheri Matraxhiu jep një këshillë për klubet, që mos nxitohen në shitjen e menjëhershme të talentëve dhe të kujdesen që ata të rriten. Gjithashtu, ai thotë se edhe federata duhet të ketë rolin e vet.
“Federata mund të ndjekë politika për talentët, duke ua vënë si prioritet trajnerëve të ekipeve kombëtare, megjithatë është trajneri i plotfuqishëm që vendos në fund. Por gjithsesi, një lloj politike shtytëse federata mund ta bëjë”.
Andi Matraxhiu, menaxher futbolli
Rekordin nga kampionati shqiptar drejt kampionateve evropiane e mban nigeriani Olainka, i cili u shit nga Skënderbeu për te Gent në Belgjikë për shifrën e 1.2 milionë eurove, ndërsa më pas vjen Liridon Latifi me 1 milionë euro, kur u shit në Hungari.
Lajme të tjera
-
Zyrtare/ Dy ndeshje me Kombëtaren, Kristal Abazaj rikthehet në Turqi
3 Korrik, 21:17 -
VIDEO/ Një vit bardheblu, Abazaj rrëfehet për Report TV: Partizani s’e meritoi titullin, formula e re na përgjumi
16 Janar, 14:12
-
Tirana me probleme, 2 yjet e skuadrës nuk udhëtojnë për fazën përgatitore
15 Qershor 2023, 10:41 -
Tirana tronditet ditën e fundit të janarit, afrimi i bujshëm i merkatos dëmtohet rëndë
31 Janar 2023, 18:45 -
ZYRTARE/ Prezantim special dhe kontratë 1 vit e gjysmë, Tirana firmos me sulmuesin e kombëtares shqiptare
22 Janar 2023, 22:25 -
Ballkani 'sparkatë' Tiranës, Kristal Abazaj përfundon në Kosovë
27 Dhjetor 2022, 14:46 -
Tirana e ka në objektivat e janarit, Kristal Abazaj largohet nga Superliga turke
24 Dhjetor 2022, 09:53 -
Ish-futbollistët e Kukësit të papërmbajtshëm në Turqi, gola dhe festë me shqiponjë
2 Shkurt 2021, 12:13 -
Abazaj dhe Rroca shkëlqejnë në Turqi, Gjimshiti i shpëton zhgënjimit te Atalanta
26 Tetor 2020, 16:24
