Shpikja më e dobishme për Berishën në betejën kundër Lulzim Bashës ishte “rikthimi i votës” së lirë në PD. Përmes saj, shumë njerëz defiçentë, të anashkaluar, të paaftë, delirantë, por dhe pjesa e llumit që u bashkohet partive, që ndjeheshin të pa përfaqësuar, filluan të shpjegojnë të gjithë dështimet e tyre me “shpikjen’ e Berishës. Dhe nuk është se nuk pati efekt.
Edhe pse vota e lirë nuk ka qenë kurrë ndonjë mekanizëm brenda PD, pikërisht edhe për këtë shkak ajo u duk si shpresë për gjithë ata njerëz brenda parties, që mendonin se ua kishte zënë hisen e diellit Lulzim Basha, ngaqë nuk ka pasur votë të lirë brenda PD.
Dhe kjo zgjoi një lloj mbështetje për Foltoren, kryesisht në Jug të Shqipërisë, aty ku udhëheqja e PD i ka harruar mbështetësit e vet dhe janë të papërfaqësuar askund në krye të PD.
Duhet të kujtojmë se Foltorja e parë që theku akullin u bë në Fier, pastaj më dinamike në Vlorë, më surprizuese ishte në Gjirokastër, ku jua bashkuan dhe figura nga Përmeti, që janë kryesisht të krahut të moderuar në PD, dhe më tej në Sarandë.
Ndryshe nga Veriu i Shqipërisë, i cili e njihte Berishën dhe krijoi distancë me të, Jugu, ngaqë ka qenë i persekutuar në përfaqësim në krye të PD, mendoi se vërtet mund të kishte qenë problem vota e lirë në PD dhe e mbështeti Foltoren më shumë se Veriu.
Berisha nuk arriti të marrë dot deputetët e Kukësit e Shkodrës dhe krijoi takime të sforcuara në ato qytete, ndërsa në Vlorë i kishte thuajse gjithë deputetët. Po ashtu dhe të vetmin dhe të papërsëritshmin deputet të Gjirokastrës, Tritan Shehun.
Po çfarë ndodhi, që pasi Berisha mbaroi punë dhe bëri partinë e tij, e la tërësisht Jugun jashtë grupimit të tij?
Nuk ka ndodhur në fakt asnjë komplot kundër Jugut. Pasi mbaroi punë dhe siguroi se po krijonte partinë e tij, Berisha zgjodhi për njeriun e dytë më të rëndësishëm në PD, një idiot nga zona më e thellë e Kukësit, që nuk shkoi dot as si turist në takimin e Kukësit, se e zënë njerëzit me gurë.
Ai po ashtu e ngushtoi rrethin e njerëzve të afërt të tij nga lumi Drin e lart, me dy nënkryetarë të pambështetur nga askush në Shqipëri të mesme.
E vetmja gjë që pushkatoi realisht Sali Berisha ishte vota e lirë, jo vetëm gjatë procesit, por dhe pas procesit. Ai e injoroi votën e lirë aty ku ishte dhe e shpiku pas procesit atje ku nuk ishte.
Asnjë nga deputetët e Vlorës, përfshi Bujar Leskajn, që organizoi takimin nuk u pa më afër Sali Berishës, ndërsa deputeti më i përkushtuar ndaj Berishës, Tritan Shehu, si deputet i Gjirokastrës konkurroi për sekretar përballë një djali anonim, për të mos thënë qesharak, dhe çuditërisht humbi.
Tani i bie që, ose kundërshtarët e Berishës brenda partisë së tij po ja sabotojnë vonë e lirë dhe po ja çojnë tek idiotët, ose Berisha i ka udhëzuar të eliminojnë çdo figurë nga Jugu, që në fakt ishte zanafilla e “Foltores” së tij.
Akoma më qesharak është procesi i përbuzjes së votës së lirë pas zgjedhjeve. Klevis Balliu, për të cilin ka votë masive kundër brenda PD, emërohet prej tij në një detyrë administrative, edhe pse është njeriu më i pa votuar brenda PD, me standardin e Berishës. Kjo është thjeshtë një përpjekje për t’ua bërë të qartë të gjithëve që vota e lirë ishte një shaka për t’i futur në vathën e tij.
Rezultati është ky që shikoni. Çfarëdo që bën Berisha, përfundon në fund me llumin e vet, me një klan veriorësh idiotë rreth vetes, me një idiot që i mban çantën, që e quan sekretar të Përgjithshëm, me disa të lajthitur që ngatërrojnë rolet me dëshmorë në Teatër, me rolet në skenën e Saliut, dhe me disa konspiracionistë që nisen të flasin kundër qeverisë e përfundojnë të flasin kundër vaksinës.
Në finale nuk mendoj se Berisha ka pasur një strategji kundër Jugut në gjithë këtë histori, por demokratët e Jugut janë viktima të “besimit” tek vota e lirë brenda partisë së Berishës. Ata duhet të kuptojnë se në një klinikë psikiatrike, votuesit dhe nëse i lë të lirë, budallain do zgjedhin kryetar.
Dhe Berisha është i rrethuar, ose nga budallenj, ose nga të çmendur. Këta të fundit janë ca dhe nga jugu. Mos u mërzisni për përfaqësimin.
Komente
Lajme të tjera
-
Berisha me shqiptarët në Greqi: Vota juaj ka rëndësi përcaktuese për Shqipërinë
28 Nëntor, 21:54 -
Petro Koçi në Report Tv: Berisha skenar ogurzi si i ’97-ës, fshihet pas qeverisë teknike! Protestë me akte guerrile, duhet të gjykohet edhe për 21 janarin
28 Nëntor, 19:01 -
Endri Tafani: Takimi i Berishës me 'të rinjtë', PD duhet të ndërrojë urgjentisht marketingun politik!
28 Nëntor, 18:16
-
Lirimi i Berishës, Romeo Kara: Vendim i frymëzuar nga pazari politik! Ish- shoferi i tij gjyqtar i dha vulën e PD, kërcënoi trupën e prokurorëve! Kuçana: Kemi bërë gabime, në 2013 ikëm nga pushteti
28 Nëntor, 17:59 -
Lirimi i Berishës gëzon opozitën, mazhorancën dhe drejtësinë
28 Nëntor, 17:52
-
Akuzat e Bardhit në 2021: Suel Çela në shërbim të Berishës e Nokës, u mblodhi firma për Kuvendin e PD! Si përdori në të njëjtën periudhë Artan Hoxha foton e Ramës me Çapjan për ta sulmuar (VIDEO)
28 Nëntor, 17:00 -
Dita e Pavarësisë/ Berisha i lirë, por rri në shtëpi! Në Vlorë shkojnë deputetët
28 Nëntor, 15:43 -
'Pas 5 nëntorit doli madhështia e SHBA-së', Berisha: Ju qëndruat kundër një Amerike tjetër, që bëri grusht shteti ndaj opozitës në funksion të diktatorit
28 Nëntor, 13:21 -
Ja pse 'lirimi' i Sali Berishës i gëzoi të gjithë
27 Nëntor, 23:04
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për gjykim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15
I eshte bere Sales ky si ajo gjeja kepuces.
PërgjigjuMero ajo puna me kliniken psiqiatrike idhte fantastike fare,,,, bravo....
Përgjigju