Merr fund beteja e ashpër ligjore mes Depp dhe Heard, ja vendimi që mori Gjykata

Johnny Depp ka fituar gjyqin për shpifje kundër Amber Heard, pasi një juri në Virxhinia vërtetoi pretendimin se ish-gruaja e tij cenoi reputacionin e tij dhe dëmtoi karrierën e tij kur ku ajo akuzoi aktorin se e kishte dhunuar. Pas tri ditësh diskutim, juria vendosi në favor të aktorit duke i dhënë 15 milionë dollarë dëmshpërblim. 

Pas vendimit, Heard tha se ndihej e zhgënjyer dhe se kishte mbetur pa fjalë.

Zhgënjimi që ndjej sot është përtej fjalëve. Më dhemb zemra që mali i provave ende nuk ishte i mjaftueshëm për t'i bërë ballë fuqisë dhe ndikimit joproporcional të ish-bashkëshortit tim. Unë jam edhe më e zhgënjyer në atë që ky vendim do të thotë për gratë e tjera. Është një kthim prapa. Ajo e kthen orën në një kohë kur një grua që flet mund të turpërohej dhe poshtërohej publikisht. Ajo e kthen prapa idenë se dhuna ndaj grave duhet marrë seriozisht. Unë besoj se avokatët e Johnny-t ia dolën mbanë që juria të anashkalonte çështjen kyçe të Lirisë së Fjalës dhe të shpërfillte provat që ishin aq bindëse sa fituam në MB. Më vjen keq që e humba këtë çështje. Por jam akoma më e trishtuar që duket se kam humbur të drejtën që mendoja se e kisha si amerikane të flas lirshëm dhe hapur”, tha aktorja.

Depp nuk ishte i pranishëm pasi ishte në Britaninë e Madhe në turne me legjendën e kitarës Jeff Beck. Aktori, i njohur më së shumti për rolin e tij në filmin “Piratet e Karaibeve”,  e paditi Heard-in për 50 milionë dollarë për një artikull të botuar në The Washington Post në dhjetor 2018, në të cilin ajo e quajti veten “një figurë publike që përfaqëson abuzimin në familje”.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rikthimi i PD-së me protesta në shtator, a do ta forcojë politikisht?



×

Lajmi i fundit

Begaj pritet në takim nga Konjufca, në fokus të bisedimeve marrëdhëniet Kosovë-Shqipëri e lufta në Ukrainë

Begaj pritet në takim nga Konjufca, në fokus të bisedimeve marrëdhëniet Kosovë-Shqipëri e lufta në Ukrainë