Një mesazh i ri audio, ku pretendohet se është zëri i liderit të Shtetit Islamik, paralajmëron izraelitët se duhet të presin sulme të reja. Zëri i dyshuar i Ebu Bekr al-Bagdadi thotë se sulmet ajrore nga Rusia dhe koalicioni i udhëhequr nga Shtetet e Bashkuara të Amerikës kanë dështuar ta dobësojë shtetin Islamik.
 
"Të jeni të sigurt se perëndia do të sjellë fitore për ata që e adhurojnë dhe do dëgjojnë lajmin e mirë se shteti ynë është duke u zhvilluar. Sa më shumë intensive lufta kundër nesh, aq më të fort bëheni ne", thuhet në mesazh.
 
Në mesazhin audio gjithashtu kritikohen përpjekjet e Arabisë Saudite për të ngritur një koalicion të vendeve myslimane për të luftuar Shtetin Islamik.
 
Ndërkohë vërtetësia e zërit ende nuk është verifikuar. Mesazhi i fundit nga kreu i ISIS është dhënë në muajin maj, ndërsa ka zëra se ai është plagosur apo vrarë në luftime.