POP 5

Lajmet më të lexuara të 5 minutave të fundit

Kronikë

Mesazhi i Yuri Kim/ Ja si KLGJ mban peng Gjykatën Kushtetuese dhe të Lartë! Urdhri i Kuvendit: Shpall menjëherë të gjitha vakancat

KLGJ shpalli vetëm 6 vende vakante nga 16 në Gjykatën e Lartë duke humbur kohë, plotësimi i Gjykatës së Lartë kusht për zgjedhjen e 3 anëtarëve në Kushtetuese. Kuvendi hedh poshtë justifikimet e KLGJ dhe e urdhëron përmes një rezolute të nisë menjëherë procedurat për plotësimin e 10 vakancave të fundit

Mesazhi i Yuri Kim/ Ja si KLGJ mban peng Gjykatën Kushtetuese dhe të Lartë! Urdhri i Kuvendit: Shpall menjëherë të gjitha vakancat

Ambasadorja amerikane në Tiranë, Yuri Kim, një ditë më parë, përmes një qëndrimi të fortë, u kërkoi krerëve të politikës shqiptare, Presidentit, Kuvendit dhe institucioneve të drejtësisë ngritjen me urgjencë të Gjykatës Kushtetuese. Po kush po e mban peng plotësimin e vendeve vakante në Gjykatën Kushtetuese? Së pari, që të plotësohen vendet vakante në Gjykatën Kushtetuese, duhet të ngrihet më parë Gjykata e Lartë, e cila duhet të zgjedhë 3 anëtarë të Gjykatës Kushtetuese, nga 9 gjithsej. Gjykata e Lartë përbëhet nga 19 anëtarë. Një e pesta e gjyqtarëve në këtë gjykatë përzgjidhet mes juristëve të spikatur, pra 4 anëtarë jashtë gjyqësorit. Aktualisht janë zgjedhur 3 gjyqtarë jashtë gjyqësorit, ndërsa mbeten edhe 16 vende bosh.

Anëtarët e Gjykatës së Lartë propozohen nga Këshilli i Lartë Gjyqësor dhe dekretohen nga Presidenti brenda 10 ditëve. Nëse Presidenti nuk shprehet, nuk shprehet kandidati shpallet i emëruar. Ndërkaq, për 16 vendet vakante që kanë mbetur në Gjykatën e Lartë, KLGJ ka nisur procedurat për plotësimin e vetëm gjatë vendeve vakante. Disa ditë më parë, kryetarja e KLGJ, Naureda Llagami, gjatë një seance dëgjimore në Komisionin e Ligjeve, tha se Gjykata e Lartë do të ketë brenda vitit 10 anëtarë. Por, kryetari i Komisionit të Ligjeve, Ulsi Manja tha se Gjykata e Lartë nuk mund të mblidhet me 10 anëtarë për të votuar 3 anëtarët e Gjykatës Kushtetuese.

Gjykata e Lartë duhet të ketë të paktën 14 anëtarë për të votuar kandidatët që i dërgon Këshilli i Emërimeve në Drejtësi, për tre vende vakante në Gjykatën Kushtetuese. Ulsi Manja dhe Fatmir Xhafaj i kërkuan llogari KLGJ se pse ka nisur procedurën për plotësimin e vetëm 6 vendeve vakante në Gjykatën e Lartë dhe nuk ka shpallur 16 vende vakante. “Zonja kryetare e Këshillit të Lartë Gjyqësor, do t’ju kërkoj të fokusoheni në këtë drejtim, sepse nuk më bindin argumentet që ju dhatë në këtë seancë dëgjimore, që Komisioni i Ligjeve i ka marrë me shkrim! Ne jemi shumë të interesuar si Kuvend, që kjo gjykatë të bëhet funksionale një orë e më parë, për të realizuar përgjegjësinë që ka Gjykata e Lartë në plotësimin e vendeve vakante në Gjykatën Kushtetuese”, ka theksuar Ulsi Manja.

Po pse KLGJ nuk nisi procedurat për 16 vende, por vetëm për 6 vende në Gjykatën e Lartë, duke e zvarritur këtë proces edhe me një vit? Kryetarja e KLGJ ka shpjeguar se Këshilli nuk nisi procedurat për plotësimin e 16 vendeve, për të mos thelluar vakancat në gjykatat e tjera, sidomos të Apelit, pasi anëtarët e Apelit do të zgjidheshin në Gjykatën e Lartë. Gjithashtu, Llagami ka pohuar se KLGJ nuk shpalli 16 vende vakante, për të zbatuar frymën e ligjit për ripërtëritjen e përbërjes së Gjykatës së Lartë rast pas rasti dhe jo tërësore të saj.

Megjithatë, Komisioni i Ligjeve i ka konsideruar këto argumente jo bindëse. Për këtë arsye, Kuvendi, miratoi dje një dokument në seancë plenare, ku i kërkon Këshillit të Lartë  Gjyqësor të shpallë ‘menjëherë të të gjitha vendeve të lira në Gjykatën e Lartë dhe përmbylljen në një kohë sa më të shpejtë të procesit të plotësimit të këtyre vendeve’.

Kërkesa e Kuvendit për KLGJ për plotësimin e vendeve vakante në Gjykatën e Lartë 

 

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Juristi: 26/06/2020 21:18

    Llagami me keqardhje them se nuk e meriton ate vend , nuk mund te mbetet gjithe tegorma ne dore te saj... nuk ka as me te voglin shqetesim flet sikur nuk e njef fate ligjin e kuptoni gj larte dhe gj kushtetuse ne dore te saj dhe kjo fle gjume...

    Përgjigju
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58