'Me lista të hapura Rama s’del deputet'/ Meta: Po humbasim miliona lekë në Arbitrazh për faj të tij! Kryeministri: E pavërtetë! Po punojmë për t’i zmbrapsur këto vendime

Kreu i shtetit, Ilir Meta ka akuzuar shefin e qeverisë për një sërë çështjesh të cilat sipas tij janë skandale që po dëmtojnë shtetin ligjor dhe qytetarët.

Meta tha se “Rama nuk i do listat e hapura sepse humbet partinë. Le ta vendosë veten në 4 qarqe dhe nuk ka për të dalë dot deputet. Ta pranojë humbjen me dinjitet” 

Në konferencën për mediat, Presidenti Ilir Meta u shpreh se rritja e borxhit të Shqipërisë rrezikon dhe falimentimin ekonomik. Gjithashtu ai ka shprehur shqetësimin e një loje të dyfishtë nga zyrtarë të qeverisë.

"I urojmë të shkuara Trump dhe bashkëshortes së tij. Nuk jam ekspert për tu përfshirë në çështje brenda Amerikës apo Europës. Jam këtu si kryetar i shtetit për të paralajmëruar për veprimtari kriminale të organizuar që shkatërron financat publike të shtetit por dhe të ardhurat e çdo familje. Rritja e borxhit që askush nuk e llogarit dot sot dhe gjithë këto parashikime të zymta nga institucionet ndërkombëtare. Krizës politike tërësisht artificiale. Mund të sjellë një falimentim ekonomik dhe financiar. Shqetësimi im është se janë shumë çështje të cilat mund të penalizojnë Shqipëri me shifra milarda eurosh dhe dollarë. Shqetësimi im është se ka një lojë të dyfishtë korruptive të zyrtarëve të caktuar të qeverisë. Përfitojnë dhe nga kompania e cila merr apo trashëgon aktivitetin e investitorit të cilit i zgjidhet kontrata, por njëkohësisht këta zyrtarë të korruptuar bashkëpunojnë edhe me investitorin që humbet kontratën me arbitrazh duke mos mbrojtur interesat e shtetit shqiptar. Ne shkojmë drejt një katastrofe financiare. Unë punoj me shkresa sepse di të ndaj atë që është shtetërore nga ajo që mund të jetë politike apo personale. Nëse dikush mendon që interesat personale do t'i vendos përpara interesave kombëtare duhet ta dijë që çdo firmë hidhet në kundërshtim me Kushtetutën me pasoja për financat e vendit mbetet dhe do mbajë përgjegjësi për veprimin e tij. Zotëria në fjalë ka komentuar pasi nuk firmos vetë, edhe në qeveri edhe në Parlament. Çdo zyrtar në këtë shtet që nga Presidenti duhet ta dijë që për çdo gjë që firmos do mbajë përgjegjësi të drejtëpërdrejtë. Shqetësimi im nuk është fushata zgjedhore, por kjo situatë pa asnjë lloj përgjegjshmërie bën atë që shpopullohet. Nga Shqipëria, në 1000 mijë banorë largohen 12  persona ndërsa në Kosovë 3.3 persona" - tha Meta.

Presidenti Ilir Meta është shprehur me tone të ashpra ndaj qeverisë shqiptare ku tha se nuk ka asnjë transparencë me të. Gjithashtu ai tha se përgjegjësit për këtë do të vihet përpara drejtësisë.

"Nuk duhet të vihemi përpara skenareve të errët. BERZh ka bërë një parashikim të errët për Shqipërinë. I bëj thirrje qeverisë dhe avokaturës së shtetit, ashtu dhe ministrisë së financave që të bëjnë transparencë por edhe të mbajnë në konsideratë që po shoh në mënyrë strikte. Shteti nuk mund të vazhdojë të marrë borxhe pafund e më pas të rrëzohet. Kur avokatura guxon dhe nuk i kthen përgjigje kreut të shtetit jo vetëm që ka shkelje direkte të LKushtetutës por kjo mëbyrë sjellje tregon qartë se po fsheh një akt kriminal dhe për këtë do mbajë përgjejgësi individuale dcdo person që nuk jep infor të kërkuar por dhe ai që ka urdhëruar mosdhënien e tij. Kushtetuta përcakton qartë se të gjithë drejtuesit e institucioneve janë të detyruar të japin informacion dhe të dhëna me shkrim për çështje që kanë të bëjnë me detyrat e tyre përpara kreut të shtetit. Kushdo që shkel këtë detyrim do të duhet të përballet me ligjin dhe askush nuk mund ta mbrojë" - tha Rama.