POP 5

Lajmet më të lexuara të 5 minutave të fundit

Politikë

Meta takon Pendarovksin: Sot bëhet një muaj i shpërdoruar kot nga dekreti për anulimin e 30 qershorit

Presidenti Ilir Meta ka takuar gjatë pjesëmarrjes së tij në Samitin e Sarajevës presidentin e Maqedonisë së Veriut Stevo Pendarovksi. Teksa shpreh kënaqësinë e tij për këtë takim, Meta përcjell edhe një mesazh për palët politike në Shqipëri, teksa kujton se një muaj nga sot shpalli dekretin për anulimin e 30 qershorit.

Meta takon Pendarovksin: Sot bëhet një muaj i shpërdoruar kot nga dekreti për anulimin e 30 qershorit

Presidenti Ilir Meta ka takuar gjatë pjesëmarrjes së tij në Samitin e Sarajevës presidentin e Maqedonisë së Veriut Stevo Pendarovksi. Teksa shpreh kënaqësinë e tij për këtë takim, Meta përcjell edhe një mesazh për palët politike në Shqipëri.

Meta thotë se sot bëhet një muaj i shpërdoruar kot nga dekreti për anulimin e zgjedhjeve të 30 qershorit, për arritjen e një zgjidhje gjithëpërfshirëse për të forcuar besueshmërinë e vendit për zgjedhje të lira dhe të ndershme.

"Kënaqësi e veçantë të takoja Presidentin e Maqedonisë së Veriut, z.Stevo Pendarovski. Të dy vendet tona duhet të bashkojnë përpjekjet për çeljen e negociatave për anëtarësim në tetor. Duhet të përfitojmë nga ky momentum mjaft pozitiv që ka krijuar Marrëveshja e Prespës, jo vetëm për Maqedoninë e Veriut.  Ndërkohë sot bëhet një muaj i shpërdoruar kot që nga dekreti për anulimin e zgjedhjeve të 30 qershorit, për arritjen e një zgjidhje gjithëpërfshirëse që forcon besueshmërinë e vendit për zgjedhje të lira e të ndershme.  Po kështu ishte kënaqësi të konstatoja vendosmërinë e Presidentit Pendarovski për të bashkëpunuar dhe përfshirë opozitën në dialog për çështjet themelore të shtetit dhe demokracisë", shkruan Meta.

Kreu i shtetit ndodhet në Sarajevë që nga pasditja e së hënës ku po merr pjesë në Samitin e Sarajevës, i cili më herët u bojkotua nga diplomacia shqiptare në shenjë respekti ndaj shtetit të Kosovës.

Meta njoftoi anulimin e zgjedhjeve të 30 qershorit në datën 8 qershor, teksa opozita zhvillonte një protestë përpara kryeministrisë. Në argumenetet e sjella dy ditë më vonë, në një konferencë të jashtëzakonshme për shtyp Meta deklaroi se ky vendim erdhi për të shmangur përplasjet mes dy palëve politike të cilat sipas tij ishin në provokim të vazhdueshëm ndaj njëra-tjetrës. Megjithatë, anulimi i dekretit për 30 qershorin nuk e pengoi zhvillimin e procesit zgjedhor, në fund të të cilit mazhoranca mori drejtimin e 61 bashkive të vendit.

3 ditë para zgjedhjeve të 30 qershorit presidenti Meta shpalli 13 tetorin si datë për zgjedhjet lokale, datë e cila tashmë duket se ka përçarë edhe opozitën e bashkuar, pasi nga njëra anë kryedemokrati Basha e kushtëzon pjesëmarrjen në zgjedhje me largimin e kryeministrit Edi Rama, ndërsa LSI nga ana tjetër shprehet se do të zbatojë dekretin e shpallur nga presidenti.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • vorni: 10/07/2019 12:31

    Mullah Likja, ec aty!

    Përgjigju
  • Cubel breca: 10/07/2019 11:24

    Qenka komplet toc ky.A shikon ky qe se pjerdh njeri apo ben rrolin e budallit.Ky eshte i mbaruar akoma si mbushulet mendja.

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56