POP 5

Lajmet më të lexuara të 5 minutave të fundit

Arkiva

MF:Të ardhurat e 3-mujorit të I, 40% më tepër se 2014

TIRANE, 21 Prill /ATSH/- Ministria e Financave, nisur nga disa deklarime të bëra nga shoqata lidhur me “shqetësimin për rënien e ndjeshme të të ardhurave nga tatim fitimi” , sqaron se,  “te ardhurat nga taksa e “Tatim Fitimit” për tremujorin e parë Janar – Mars 2015 është 8.896.707 mijë lekë, ose 24.92 % më shumë se […]
Ministria e Financave, nisur nga disa deklarime të bëra nga shoqata lidhur me "shqetësimin për rënien e ndjeshme të të ardhurave nga tatim fitimi" , sqaron se,  "te ardhurat nga taksa e "Tatim Fitimit" për tremujorin e parë Janar - Mars 2015 është 8.896.707 mijë lekë, ose 24.92 % më shumë se plani dhe 40.19 % më shumë se sa e njëjta periudhë e vitit 2014."
Në një njoftim për shtyp, Ministria e Financave bën të ditur se, të dhënat paraprake të Drejtorisë së Përgjithshme të Tatimeve flasin për rritje të arkëtimit të këtij tatimi, i cili ka qenë në vlera negative vetëm për muajin janar 2015 dhe ka shënuar shifra pozitive për muajt shkurt e mars 2015, në raport me planin dhe faktin.
Vetëm për muajin Mars 2015, Drejtoria e Përgjithshme e Tatimeve ka shënuar si të hyra fiskale për këtë tatim 67.09% më shumë se sa treguesi i shënuar në marsin e vitit 2014.
Pra, në tremujorin e vitit 2014 janë arkëtuar 6.35 miliardë lekë, ndërsa në periudhën respektive të vitit 2015 janë arkëtuar  8.9 miliardë lekë. Plani i mbledhjes së të ardhurave për këtë periudhë ka qenë 7.122 miliardë lekë.
Ministria e Financave bën me dije se rezultatet progresive në mbledhjen e të hyrave fiskale tregojnë se janë pjesë e drejtpërdrejt e politikës së miradministrimit të taksave dhe tatimeve, e rritjes së efikasitetit të punës së enteve shtetërore që menaxhojnë të hyrat fiskale, si dhe e klimës përherë e më të mirë të krijuar për sipërmarrjen vendase dhe të huaj, në mbështetje edhe të luftës kundër informalitetit, evazionit dhe shmangies tatimore.
Ministria e Financave dhe institucionet në varësi të saj janë duke koordinuar përpjekjet e përbashkëta për të zbatuar strategjinë e re të luftës kundër informalitetit, efektet e së cilës janë duke u shfaqur tani në shifra konkrete të realizimit të të ardhurave dhe detyrimeve të tjera të përcaktuara me ligj.
Ministria e Financave do të vijojë të kontribuojë në respektimin e marrëveshjeve të nënshkruara me institucionet financiare ndërkombëtare, përfshirë FMN dhe BB, si pjesë e politikave të saj për mbështetjen e ekonomisë dhe të biznesit dhe e ritmeve më të shpejta të zhvillimit ekonomik të vendit./atsh/

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ rreth 55 mijë emigrantë

28 Janar, 22:00 nga Danjela Maloku