MILANO, Itali - Milani ka regjistruar një fitore të rëndësishme në “San Siro”, duke mposhtur Fiorentinën me përmbysje 2-1, në ndeshjen e vlefshme për javën e shtatë të Serie A.

Kuqezinjtë dominuan takimin që nga fillimi, duke kontrolluar lojën dhe duke krijuar disa raste të pastra, por pa arritur të konkretizojnë deri në pjesën e dytë. Kur pritej që Milani të zhbllokonte rezultatin, ishin miqtë nga Firenze që kaluan në epërsi me golin e Robin Gosens në minutën e 55-të.

Megjithatë, reagimi i skuadrës së Max Allegrit ishte i menjëhershëm. Vetëm tetë minuta më vonë, Rafael Leao realizoi një supergol nga distanca për të barazuar shifrat në 1-1.

Portugezi ’vulosi’ fitoren e kuqezinjve në minutat e fundit, pasi u tregua i saktë nga pika e bardhë e 11 metërshit pas një penalltie të fituar nga Gimenez, duke i dhënë Milanit tri pikë të arta.

Me këtë triumf Milani ngjitet në krye të tabelës së Serie A me 16 pikë, ndërsa Fiorentina mbetet në pozitën e 18-të me vetëm tre pikë.

Po këtë të diel në Serie A u zhvilluan edhe katër takime të tjera. Como mposhti 2-0 Juventusin, Bologna fitoi 0-2 në Sardegna kundër Cagliarit, ndërsa Genoa - Parma dhe Atalanta - Lazio u mbyllën pa gola, pra 0-0.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 17 Mars, 11:47

    Shqipëria shpall Iranin shtet sponsor të terrorizmit, si e vlerësoni?

Lajme të tjera