PRISHTINË, 21 Korrik /ATSH-B.Jashari/.- Ministri i Punëve të Jashtme dhe i Bashkëpunimit i Republikës së Togos, Robert Dussey, qëndron sot për një vizitë zyrtare në Kosovë, me ftesë të ministrit të Punëve të Jashtme, Enver Hoxhaj.
Dy ministrat do të nënshkruajnë një marrëveshje ndërmjet dy shteteve, paralajmëron MPJ e Kosovës.
Kryeministri i qeverisë së Republikës së Kosovës, Hashim Thaçi, po ashtu do të takohet me ministrin e Punëve të Jashtme të Togos, Robert Dussey.
Togo është shteti i 107 anëtar i OKB-së që njeh Pavarësinë e Kosovës, ka bërë të ditur MPJ kosovare në 2 korrik duke paralajmëruar edhe nënshkrimin e vendosjes së marrëdhënieve diplomatike ndërmjet dy shteteve. Vendimi për njohjen e Republikës së Kosovës nga Togo i ishte konfirmuar ministrit të Jashtëm kosovar, Enver Hoxhaj, nga homologu i tij togolez, Robert Dussey.
Ministri Hoxhaj, në kuadër të lobimit për përmbylljen e procesit të njohjeve për Kosovën, ka pasur kontakte të shpeshta me homologun nga Togo, si dhe përfaqësues të tjerë të lartë të këtij vendi.
Më 20 janar të këtij viti, ministri Hoxhaj zhvilloi një vizitë zyrtare në kryeqytetin e Togos, Lome, ku gjatë takimit me homologun Dussey, i ka dorëzuar kërkesën zyrtare për njohjen e pavarësisë.
Togo shtrihet në pjesën perëndimore të Afrikës, ka mbi 7 milionë banorë dhe është anëtare e Kombeve të Bashkuara nga 20 shtatori 1960./k.s/
Lajme të tjera
-
Serbia intensifikon lobimin e saj në Perëndim
28 Korrik 2023, 16:56 -
Skandali i lobimit të Katarit në PE, zv. Presidentja jep dëshminë: I kërkova tim ati të merrte paratë nga shtëpia ime, nuk ishin të mijat
16 Dhjetor 2022, 21:26 -
Deputetët francezë kërkojnë komision hetimor për financimet ruse në politikë, akuzojnë partinë e Le Pen
24 Shtator 2022, 17:23 -
Dosja e SPAK, Petrit Vasili firmosi kontratat e lobimit të Metës me para të dyshimta, nuk u deklaruan në KQZ dhe ILDKP! Rrezikon të merret i pandehur
11 Korrik 2022, 16:26
-
Ato ditë kur presidenti ngjizte lobing me 700 mijë dollarë
22 Qershor 2022, 09:58
-
Gazetarja Xharra: Politikanët kanë paguar për lobimin e tkurrjes së Kosovës
8 Qershor 2020, 23:00
