Qeveria ende nuk ka një vendim për paketën e dytë të mbështetjes së qytetarëve përballë krizës së çmimeve. Ndërkohë që paketa e parë përfundoi më 30 qershor qeveria ende nuk ka rishikuar buxhetin e shtetit, për të vendosur mbi mbështetjen e re. Nga ana tjetër buxheti i shtetit ka fituar 130 milionë dollarë.si pasojë e rritjes së çmimeve
130 milionë dollarë ka fituar buxheti i shtetit, vetëm nga rritja e çmimeve gjatë 5 muajve të parë të këtij viti. Të ardhurat nga janari në maj janë rritur me 21.8%, por sipas Ministrisë së Financave, nëse nuk do të kishim efektin e çmimeve, rritja e të ardhurave do të ishte vetëm 13% në raport me vitin e kaluar.
“13 miliardë lekë është vlera e të ardhurave që ka ardhur si pasojë e rritjes së çmimeve”, tha Ibrahimaj në Konferencë për mediat.
Por pavarësisht se qytetarët shqiptarë kanë paguar më shumë taksa si pasojë e çmimeve të rritura të ushqimeve, pijeve e karburantit, qeveria ende nuk ka asnjë vendim për paketën e dytë të mbështetjes së kategorive në nevojë që e kanë më të vështirë përballimin e krizës së çmimeve. Në konferencë për mediat Ministrja e Financave Delina Ibrahimaj tha se aktualisht po diskutojnë rishikimin e buxhetit të shtetit.
"Në përfundim të procesit të rishikimit të buxhetit, do të dalim me paketën që pritet të vijojë për atë kategori biznesesh që realisht kanë më shumë nevojë për mbështetje", tha Ibrahimaj.
Ndërkohë në 30 qershor përfundoi efekti i paketës së parë të qeverisë për rezistencën sociale, që jepte nga 3 mijë lekë për 3 muaj për 576 mijë pensionistë dhe familje në nevojë.
Mungesa e një pakete tjetër nga qeveria, vjen në kushtet kur çmimet po rriten ndërsa inflacioni i ushqimeve në 5 muaj ishte 9.9%. Pavarësisht rritjes së kostove të jetesës ministrja tha se Shqipëria ka inflacionin më të ulët në rajon, ndërsa pret që këtë vit ekonomia të rritet me 3.2%.
(Kliko këtu për të lexuar dokumentin e plotë, të dhënat e detajuara nga Ministria e Financës)
Ministrja e Financave, Delina Ibrahimaj ka reaguar për kritikat se Bordi i Transparencës vendos çmime të larta për naftën ndërsa në bursë janë më të ulëta. Për këtë thotë se nuk ka pasur asnjëherë çmime të ndryshme nga bursa.
"Çmimet e naftës nga bordi asnjëherë nuk kanë qenë të ndryshme nga bursa. Marzhet bruto të fitimit të kompanive ku përfshihen kostot kanë qenë 5 deri 6%, ndërsa vjet kanë qenë 15%. Kjo është e kuptueshme se ¢farë efekti ka pasur bordi", tha Ibrahimaj.
Ministrja e Financave është pyetur nëse po diskutojnë për një paketë të dytë pasi ditën e djeshme përfundoi mbështetja e paketës së parë prej 3 mijë lekësh për familjet në nevojë dhe pensionistët.
"Ne jemi në procesin e rishikimit të buxhetit dhe të analizës së të gjithë të dhënave sa i përket konsumit apo të ardhurave të disponueshme të familjeve. Në përfundim të procesit të rishikimit të buxhetit, do të dalim me paketën që pritet të vijojë për atë kategori biznesesh që realisht kanë më shumë nevojë për mbështetje", tha Ibrahimaj.
Lajme të tjera
-
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
Buxheti 2025/ Si do të shpërndahen 8 miliardë euro! Fjala e plotë e ministrit të Financave Petrit Malaj
18 Nëntor, 14:33 -
FMN i kërkon Bankës së Shqipërisë të ruaj regjim të lirë të kursit të këmbimit! Sejko: Familjet e bizneset në gjendje të mirë financiare
14 Nëntor, 14:01 -
Norma bazë e interesit u ul, BSH: Kreditë do jenë më të lira
12 Nëntor, 17:14
-
Deputetja e PD-së, Jorida Tabaku: Tre arsyet pse produktet ushqimore në Shqipëri janë më të shtrenjta krahasuar me vendet e BE-së
10 Nëntor, 13:00 -
SHIFRAT/ Fitimi bruto i bizneseve vjet mbi 3.4 mld euro! ‘Trofeun’ e merr turizmi, por bizneset prodhuese më fitimprurëse
9 Nëntor, 18:27
-
Inflacioni ‘ngec’ në 1.9% aq sa ishte dhe në shtator, por shtrenjtimi i ushqimeve nuk ndalon! Çmimet e zarzavateve edhe më të kripura sesa vjet
8 Nëntor, 16:53
-
Banka e Shqipërisë lehtëson politikën monetare, ul normën bazë të interesit me 0.25%! Sjell norma më të ulëta të kredive
6 Nëntor, 16:12
-
‘Refuzohet minimumi jetik 200 euro i propozuar nga opozita’, Ministria e Financave: Propozimi ishte i paplotë dhe i pastudiuar!
5 Nëntor, 17:19
-
ZYRTARE/ Shtyhet rivlerësimi i pronave, do të bëhet në 2025-ën kur të caktohen çmimet e reja të referencës së pronave në të gjitha bashkitë
5 Nëntor, 13:18
-
Buxheti 8.2 mld € për vitin 2025 prezantohet në komisione, PD mungon! Malaj: Garantojmë investime, rritje ekonomike e ulje borxhi! Alibeaj: Buxhet elektoral, financon PPP jo pensionet
4 Nëntor, 10:30
