Ministrja e Bujqësisë, Frida Krifca vizitoi sot Panairin Ndërkombëtar Agro Expo-Global Gap. Ministrja Krifca u ndal tek strategjia e re për sektorin ku synim kryesor është arritja e 1 miliard USD eksporteve deri në vitin 2030 ndërsa mori fjalën në konferencën “Rruga e perimeve dhe frutave shqiptare drejt tregjeve ndërkombëtare”, pjesë e këtij panairi. Krifca vuri në dukje se ky prioritet i këtij mandati, ka synim rritjen e ekonomisë dhe fuqizimin e familjes shqiptare.
Ministrja paraqiti edhe një panoramë të zhvillimeve të deritanishme në bujqësi dhe zhvillimin rural, ku sipas saj shkëmbimet tregtare të produkteve bujqësore kanë patur një zhvillim të konsiderueshëm me rritje me 27% në 2021, nga 2017 dhe me 77% nga 2013.
“Eksportet totale të produkteve bujqësore arritën në 2021 46.4 mld lekë, duke u rritur me +15.6%. Ato janë rritur 3.1 herë më shumë ne vlerë dhe 3.6 herë më shumë në sasi në krahasim me eksportet në vitin 2013”, u shpreh Krifca. Ministrja vuri në dukje se në një vit të vështirë me kosto të rritura të inputeve dhe naftës, bujqësia shqiptare ka treguar stabilitet dhe qëndrueshmëri, në krahasim edhe me vendet e rajonit, me nivelin më të lartë të rritjes së sektorit midis vendeve të Open Balkan (Shqipëria +1.5%, Maqedonia e Veriut +0,1% dhe Serbia -5,4%).
Synimi, sipas saj, është të eksportojmë deri në fund të vitit gjysmë miliardë dollarë. Krifca u ndal edhe tek përmirësimi i konsiderueshëm i gjithë infrastrukturës mbështetëse, që nxiti rritjen e nivelit të eksporteve me një arsenal pikash grumbullimi, pikash frigoriferike, tregjesh shumice e laboratoresh të analizave të cilat mundësojnë rritjen e eksporteve. Kështu nga pak njësi grumbulluese në 2013 sot ka mbi 260 pika grumbullimi të shpërndara në të gjithë Shqipërinë.
Prej disa vitesh, theksoi ajo, ne i dedikohemi rritjes së prodhimit dhe në mënyre të veçantë eksporteve
“Qeveria shqiptare mbështet prodhimin dhe uljen e kostove të grurit, të perimeve, të kultivimit të bimëve mjekësore dhe aromatike, mbështet procesin e përafrimit të prodhimit bujqësor me standarded ndërkombëtare global GAP. Kemi mbështetur 56 fermerë për një vlerë 17 milionë lekë”, tha ajo.
Krifca e vuri theksin se sot nevojitet rritja e eksporteve duke tregtuar në tregje dhe produkte me vlerë të lartë të shtuar, produkte për të cilat ne kemi ekselencë.
“Skema e mbështetjes së bimëve mjekësore dhe medicinale ka qenë një skemë e përhershme e mbështetjes sonë. Por eksportet rriten edhe nëpërmjet rritjes së vlerës së shtuar të produkteve si pasojë e përmpunimit të produkteve. Vetëm me fondet e IPARD II janë kryer 79 investime në agropëprunim me një vlerë prej 34 milion Euro. Janë ndërtuar njësi të reja përpunimi në sektorët e fruta perimeve, mishit, qumështit dhe përpunimit të verërave”, tha Krifca.
Ministrja u ndal edhe tek nisma Ballkani i Hapur të cilën e cilësoi mundësi e mirë që produktet tona të freskëta apo të përpunuara të eksportohen në tregjet rajonale më shpejt me më pak kosto.
“Për 9 mujorin e 2022, niveli i volumit tregtar me vendet nënshkruese të Open Balkan është rritur për bujqësinë dhe agropërpunimin me 33%. Kështu eksportojmë 22% më shumë në sasi dhe 74% më shumë në vlerë me Serbinë dhe 17% më shumë në sasi dhe 27% më shumë në vlerë me Maqedoninë e Veriut. Importet për të dy vendet ose kanë mbetur të njëjta (+0,73% në sasi me Serbinë) me 9 mujorin e vitit 2021, ose janë ulur ndjeshëm në sasi (-24% me Maqedoninë e Veriut ) krahasuar me një vit më parë”, tha ajo.
Komente
Lajme të tjera
-
Thellohet rënia/ Eksportet e mallrave tkurren me 530 mln euro nga janari në tetor!
18 Nëntor, 14:09
-
Buxheti do rishikohet për herë tretë në dhjetor, Ministria e Bujqësisë kërkon 2 mld lekë për të likuiduar fermerët që kanë aplikuar për Skemën Kombëtare
13 Nëntor, 16:04
-
Gripi i shpendëve, Ministria e Bujqësisë: Asnjë person i prekur! Gjatë fundjavës u monitoruan 2304 ferma me rreth 97 mijë shpendë
4 Nëntor, 09:36 -
Buxheti për Bujqësinë rritet vetëm me 6,7 milionë euro më 2025-ën, në rënie financimi i huaj
3 Nëntor, 16:47
-
Zbulohet vatër e gripit të shpendëve në Tiranë! Ministria: Vatra u karantinua! Ndalohet lëvizja e shpendëve nga fermat Vorë dhe Kamëz
2 Nëntor, 09:28 -
Zhvlerësimi i valutave godet prodhimin vendas, në 9 muaj eksportet u ulën 47 mld lekë! ‘Made in Albania’ vlejnë më pak se vjet
18 Tetor, 21:06
-
Skema Kombëtare e Investimeve për fermerët, Veliaj: Aplikoni deri më 8 Nëntor për të përfituar falas pajisje që lehtësojnë punën tuaj
8 Tetor, 16:21 -
Kriza e euros/ Fasoneria 'nuk ngre kokë', afro 150 mln euro më pak eksporte
30 Shtator, 15:35
-
Hyn në fuqi skema e re 5 mln euro për bujqësinë, shteti grant 50% të investimit në serat diellore! Financim për rrjetat anti-breshër kush mbjell mbi 1 hektar
27 Shtator, 22:26
-
Ministria e Bujqësisë kërkon 2 mln euro garanci sovrane për fermerët! Sektori më i nënfinancuar punëson mbi 565 mijë persona
21 Shtator, 07:44
-
Vendimet e qeverisë/ Miratohet 'Skema Kombëtare e Investimeve në ferma', Denaj: 50 % grant për fermerët, aplikimet nisin nga 1 tetori
18 Shtator, 12:21 -
Denaj në Komisionin për Ekonominë dhe Financat: Prodhimi organik, prioritet për të ardhmen e bujqësisë shqiptare
16 Shtator, 12:01
77% me shume se ne 2013 ?. Mendoj qe krahasimi "Me periudhen E zogut" , do te dilte me perqindje shume me te karte. Thjesht si sugjerim.
Përgjigju