Situata e krijuar me pandeminë COVID-19 ka detyruar Ministrinë e Arsimit, Sportit dhe Rinisë të mbyllë të gjitha institucionet arsimore që nga data 9 mars 2020, për të parandaluar përhapjen e mëtejshme të virusit dhe për të mbrojtur shëndetin e të gjithë qytetarëve.
Fillimisht institucionet arsimore u mbyllën për një periudhë dyjavore, pastaj kjo periudhë u shty edhe me dy javë shtesë.
![](https://shqiptarja.com/template/img/NO_ALFA_Kuadrate shqiptarja.png)
Në momentin e shkrimit të këtij teksti, nuk dihet ende nëse shkollat do të hapen me 6 prill 2020 apo do të qëndrojnë të mbyllura për periudhë më të gjatë kohore.
Ministrja Shahini ka publikuar sondazhin për mësimin online, ku kanë dhënë mendimin e tyre mbi 320 mijë nxënës, mësues dhe prindër.
Sipas sondazhit, mësimet e transmetuara në programin televiziv “RTSH Shkolla” ndiqen nga pjesa më e madhe e nxënësve, prindërve dhe mësuesve: 84.1% e nxënësve, 85% e prindërve dhe 96.5% e mësuesve.
Ata që nuk kanë arritur të shohin transmetimet, i aksesojnë videot te kanali Youtube i Ministrisë së Arsimit Sportit dhe Rinisë 54.2% e nxënësve apo edhe tek platforma akademi.al 64.2% e nxënësve.
Rreth 86.4% e nxënësve shprehen se janë dakord dhe shumë dakord për të marrë mësimet përmes komunikimit online dhe 90.2% e prindërve shprehen dakord dhe shumë dakord që janë pjesë e grupeve të komunikimit online me mësuesit.
Lajmi kryesor:
Nga nesër bëhen katër javë të mësimit nga shtëpia, Shahini: Mbështetje psiko-sociale për nxënësit dhe prindërit që kanë nevojë (VIDEO)
![](https://www.shqiptarja.com/template/img/sh_logo1.png)