Ministrja Shahini tek shkolla '4 Dëshmorët': Mësuesit, plan për dalje emergjente të nxënësve në rast rreziku

Ministrja Shahini

Ministrja e Arsimit dhe Sportit, Besa Shahini ka zhvilluar një takim me mësuesit e shkollës 9-vjeçare “4 Dëshmorët” në Tiranë.

Nisur nga situata e krijuar prej tërmetit të 26 nëntorit, Shahini njofton se mësuesit sot dhe nesër do zbatojnë udhëzimin e nxjerrë nga Ministria që konsiston në planin e daljes emergjente.

Ajo vijon më tej kur sqaron se këto plane në nivel duhet të rakordohen me drejtorin për plan të daljes emergjente në nivel shkolle, i cili printohet dhe postohet në një vend të dukshëm ne koridor.


“Në shkollën 9-vjeçare “4 Dëshmorët” Tiranë, me mësuesit që zbatonin udhëzimin tonë të masave që secila shkollë duhet të ndërmarrë në rast tërmeti.

Secili mësues duhet të ketë një plan të mbrojtjes fillestare të nxënësve në klasën e saj si dhe planin e daljes emergjente. Këto plane në nivel klase duhet të rakordohen me drejtorin për plan të daljes emergjente në nivel shkolle, i cili printohet dhe postohet në një vend të dukshëm ne koridor. Kjo është puna që po bëjnë mësuesit sot dhe nesër për t’u përgatitur për rifillimin e mësimit”, është shprehur Shahini.


Lajmi kryesor:

DËMET në institucione/ Mbyllen gjykatat Tiranë, Durrës e Lezhë! Çarje muresh edhe te Kuvendi e prokuroria


E.D./Shqiptarja.com
  • Sondazhi i ditës:

    Deri në 80 mijë lekë gjobë për përdorimin e celularit në timon, jeni dakord?