Qytetarët në Tiranë kanë opnione të ndryshme për ligjin e barazisë gjinore, i cili u votua mes debateve në Parlament.

Disa mendojnë se ligji përcakton qartë ndarjen mes burrit e gruas, ndërsa të tjerë shprehen se kundër, sepse lë hapësirë për keqinterpretime që mund të cenojnë institucionin e familjes.

“Janë budallallëqe, humbasin mendjen e njerëzve mos u merrni me atë punë”, tha një qytetar.

“Trump e firmosi, burrë e grua”, tha një tjetër.

“Ligji është i qartë burrë e grua, të tjerat shumëzojini me zero", tha një qytetar.

“Mendoj për caktime tradicionale burrë-grua nënë-baba, duhet ta lexoj më shumë ligjin për të parë ku ka hapësirë për interpretim. Mendoj që ne jemi një kulturë e rrënjosur drejt vlerave familjare", tha një qyetare tjetër.

"Burrë e grua e grua e burrë jo këto gjëra që shoh e dëgjoj. Nuk jam dakord që të prishin institucionin burrë-grua që Zoti krijoi në tokë. Asnjë lloj tjetër nuk është e drejtë as femër - femër. Nuk mendoj se shoqëria shqiptare të pranoj diçka tjetër. Ne jemi rritur me nënë e baba", ishin disa prej komenteve të qytetarëve.

Një ditë më parë Kuvendi miratoi me 77 vota pro të mazhorancës projektligjin e shumëdebatuar "Për barazinë gjinore". Kundër votuan 36 deputetë të opozitës, të cilët e kanë kritikuar ligjin ashpër duke thënë se qëllimi është shkatërrimi i familjes.