Pas tre mijë emrave të parë, Këshilli Bashkiak i Tiranës u mblodh sot online për të miratuar pagesat ‘cash’ për 1566 familje, shtëpitë e të cilave pësuan dëme që mund të riparohen, të kategorisë DS1, DS2, DS3. Qytetarët do të duhet të kontrollojnë emrin e tyre në listat e afishuara pranë çdo njësie administrative dhe të nënshkruajnë menjëherë kontratën që u mundëson marrjen e pagesës në postë ose në bankë.
Por, veç pagesave për 1566 familjet, Këshilli Bashkiak miratoi edhe rindërtimin e 150 banesave të reja individuale, të shpallura si të pabanueshme nga Instituti i Ndërtimit. Bëhet fjalë për shtëpitë individuale në zonat rurale të qytetit, të cilat i shtohen 200 ndërtesa vetë miratuara më herët, që kanë nisur të rindërtohen tashmë.
Bashkia e Tiranës njofton se gjer në marrjen e çelësit të banesës së re apo apartamentit të ri, familjet, banesat e të cilëve janë shpallur të pabanueshme, do të vijojnë të përfitojnë nga bashkia bonusin e qirasë. Ndërkohë, në mbledhjen e sotme, u miratua trajtimi me bonus qiraje për 40 familje të tjera nevojë, por nuk janë të prekura nga tërmeti.
Një tjetër vendim i rëndësishëm ka të bëjë me kontratat që Bashkia e Tiranës lidh me banorët aplikues te Fondi i Komunitetit. Nga ky projekt përfitojnë banorët e pallateve, të cilët kanë zgjedhur një administrator të certifikuar nga bashkia, për të kryer ndërhyrje si veshje ‘kapotë’, instalim ashensori, mirëmbajtje etj. Bashkia e Tiranës vendos 50% të vlerës së investimit të nevojshëm.
Ndërkaq, deri në ndërtimin e Kampusit të ri Universitar në Kodër Kamëz, Këshilli Bashkiak miratoi shkrirjen e dy shoqërive të konvikteve studentore, atë të “Qytetit Studenti” në Universitetin Bujqësor me atë të Tiranës. Pas ndërtimit të Kampusit të ri, ky staf do të rikthehet të shërbejë pranë Universitetit Bujqësor.
Në Këshillin Bashkiak të Tiranës u miratua edhe një ndihmë financiare për familjen e vajzës 15-vjeçare nga Paskuqani, e cila ra pre e abuzimit. Në bazë të këtij vendimi,bashkia merr përsipër të paguajë qiranë e banesës për një vit, për të ndihmuar familjen në kapërcimin e situatës. Pas ngjarjes familja u zhvendos në një tjetër qytet.
Vendimi tjetër ka të bëjë me shtyrjen me një vit të afatit të punës së Komisionit dhe grupit të këshillimit për emërtesat në qytetin e Tiranës. Ky grup pune ka kryer një punë të mirë për emërtimin e rrugëve në Kryeqytet, me vendosjen e emrave të rinj apo heqjen e dublikimeve.
Lajme të tjera
-
Einxhel Shkira: Kanë tentuar të abuzojnë seksualisht me mua kur isha 15-vjeçe! Më tha 'nuk di të shijosh jetën'
27 Tetor, 15:03 -
Greqi/ Vranë kushëririn pasi i abuzonte seksualisht, zbardhet dëshmia e dy vëllezërve shqiptarë: Na shkatërroi jetën, ishim 4 dhe 6 vjeç kur nisën ngacmimet
10 Tetor, 13:04 -
Mallakastër, 16-vjeçarja lindi foshnjën, Policia shpall në kërkim 'babain'! Në Divjakë po hetohet abuzimi ndaj 38-vjeçarit të sëmurë
12 Shtator, 14:13 -
Dyshohet se abuzoi seksualisht me një vajzë të mitur, lihet në burg 71-vjeçari nga Maliqi
1 Shtator, 12:51 -
Korçë/ Dyshohet se abuzuan seksualisht me një të mitur, 2 të arrestuar në Maliq
24 Korrik, 09:25
-
Bënin video me natyrë seksuale me djalin 2-vjeç dhe i postonin në Tik-Tok, arrestohet çifti në Lushnjë
12 Korrik, 14:07 -
Adoleshentja sajoi akuzë për babanë, Gjykata lë në burg 48-vjeçarin! Avokati: Është i pafajshëm, vajza e denoncoi për hakmarrje
24 Maj, 14:10
-
Tiranë/ 60-vjeçari abuzon seksualisht me të miturën për 3 muaj, 16-vjeçarja e denoncon në polici! Vihet në pranga
3 Prill, 11:09 -
VIDEO/ Abuzoi seksualisht me të miturën në Tiranë, arrestohet 31 vjeçari! Ngjarja u mësua kur vajza u paraqit në spital
14 Shkurt, 16:15 -
Në burg prej 6 muajsh nën akuzën e abuzimit seksual me të miturën në Elbasan, 65 vjeçari lirohet nga qelia! Gjykata: S’ka prova kundër tij
9 Shkurt, 12:23 -
U la në burg nën akuzën e trafikut të të miturve dhe pornografisë, pretendimi i Dervish Hasit: Ma ka bërë dikush këtë gjë, jam një nga mjekët më të mirë
7 Shkurt, 13:25 -
Denoncimi i të resë në Vlorë: 50 vjeçari tentoi të abuzonte seksualisht me mua
29 Janar, 15:34
