Ish-drejtuesi i lartë i Policisë, Mit’hat Havari ka bërë një rrëfim në ”Frontline Interview” në Report tv me gazetaren Marsela Karapanço për ngjarje dhe histori të jashtëzakonshme, të cilat ka menduar që t’i shkruajë në një libër të titulluar “Mes dy epokash”.
Historia e tij e përshkruar në libër, pjesë të të cilit i ndau në Frontline i ngjan një filmi. Ai tregon momente nga arrestimi i tij pas demonstratës antikomuniste të Elbasanit në dhjetor të vitit 1990, lirimi nga burgu, disa kohë më vonë, si dhe emërimin Kryetar i Degës së Brendshme në Elbasan duke u bërë më pas drejtor i atyre që e arrestuan dhe torturuan.
Rrëfimin e nis me torturat në burg.
“Ma bënë kurrizin me vija... Dhuna e tyre ishte çnjerëzore. ‘Ne e rrihnim por ai nuk bënte zë’ , ka treguar dikush për mua. Nuk ngopeshin dhe donin që unë të thoja mjaft më. Unë i kujtoj 4 muaj si 40 vite jetë. Të izoluar nën presion terror e psikologjik”.
Më pas tregon një episod kur mori pushtet dhe u bë drejtori i atyre që e torturuan.
“Unë isha super elegant nga halli me ato racionet e qelbura që na jepnin. Kam një nishan në fytyrë... Ai berberi ishte tip kafshe, kishte vëllanë aty në degë të brendshme, ishte drejtor i propagandës. Unë e mbajta në punë nuk e hoqa më pas... I thashë ki kujdes se kam këtë nishanin këtu në faqe dhe ai sikur e bëri qëllimisht. Herën e parë s’i vura rëndësi. Herën e dytë shpërtheu dhe unë e bëra shumë të madhe dhe nuk ma sollën më mua. Pastaj kur erdha në pushtet, pra 'në epokën e dytë', e pashë aty e thirra atë shefin e kuadrit i thashë ma largo atë. Dhe mora atë Albert Tafanin këngëtarin e famshëm të Elbasanit që kishte pasur dhe ai konseguenca”.
"Në dosjen 4171", Havari tregon ka gjetur emrat e hetuesve, madje tregon se njërin e mbajti në punë. A i keni takuar arkitektët e kësaj dosje? Cfarë do u thoni atyre që u dëgjojnë meqë nuk i keni takuar?
“Shqipëria vendi i fundit në Evropën lindore që hapi dosjet. Po të ishte Berisha s’do e bënte. Për fat që atë drejtori e drejton një zonjë e nderuar Gentjana Sula. Më hapi një derë. Kur mora dosjen u trondita. Një pjesë i dija por jo zyrtarisht.”
“Ishin vullnetplotë sepse ishin shumë kafshë injorantë total për një copë bukë. Ishin gati të vrisnin. Nuk kam takuar asnjë pas '90 që kur mora dosjen, nuk kam denjuar, nuk ia vlen. Unë do ta botoj dhe dosjen të plotë, kurse këta nuk i kam parë. Një që më ka bërë përshtypje në dosje e mbajtja në punë, e lashë në provë, i thashë s’kemi ardhur të bëjmë siç bëni juve, një prej tyre ishte Gani Zeneli, e përmend se është mosmirënjohës. Por e gjeta në dosje.”
Në libër e përshkruan si epoka e dytë, periudhën pas lirimit të tij në '92 kur mori detyrën e parë. Ai u bë pjesë e ruajtjes së rendit.
“Në kohën që trimat e 326 e ushtronin dhunën... Nuk ndodhi gjë tjetër veçse kur u prezantova në 92, u thashë nuk kam ardhur për hakmarrje. Në zyrë bëra një premtim”, tregon ai.
Si e gjetët rendin dhe sigurinë që nga 92?
“Para '90 në Shqipëri rendi ishte 100% i sigurt, e kanë diktaturat këtë. Kjo polici ishte mësuar të punonte në një Shqipëri që ishte mësuar me tela dhe gjemba. Kurse në demokraci shpërthyen njerëzit u çliruan u futën makinat. Policia ishte e prapambetur e shkolluar keq. Aty isha i vetmi që fliska anglisht. Gëzim Hila, pata ato lidhjet e mua: kam dëgjuar që do shkosh kryetar dege. Dëgjo këtu tha, me ato shkrime që të kam parë do bëhesh zot për tre ditë. Atje do gjesh nivel shumë të ulët më tha”.
Për periudhën e tij errët kur u përballme tortura thotë se fëmijët e tij kanë mësuar edhe më tepër përmes librit që ka botuar.
“Unë nuk kam influencuar te fëmijët e mi sepse s’kam dashur që të ndikoj në formimin e tyre. Klaudio kur kishte mbërritur te momenti i arrestimit në libër që e kam përshkuar, më tha babi më pëlqen shumë por dhe u trishtova nga ai momenti. Disa herë jeta ime ka qenë në fije të perit. Ne ashtu u rritëm si popull pa fe pa zot, i vetmi zot ishte Enveri. Në fund fillova të besoj, thashë që ka një zot. Ata tani e lexojnë, të dinë si është rritur babai i tyre”.
Ish-drejtuesi i lartë i Policisë, Mit’hat Havari i ftuar në emisionin Frontline Interview në Report Tv ka folur për rrugëtimin e tij ndërsa është ndalur dhe te raportet me figurat më të rëndësishme politike. Një koment pati dhe për kryeministrin Edi Rama të cilin tha se e ka përmendur në librin e dtij “Mes Dy Epokash” duke i kthyer reston pasi shtoi se kryeministri e ka përmendur në librin e tij “Kurban”.
“Sigurisht që gjërat shihen bardhezi. Ndoshta Berisha ka meritat e veta të fillimit por unë nuk e ka besuar asnjëherë. S’e kam dashur asnjëherë që kur e kam parë në portret. S’kishte si të ndodhte ndryshe. Kishte ëndërruar të bënte pushtet të përjeshtëm. Pastaj e bëri që pas mete të bëhet qameti. Vazhdojnë plagët.
Pastaj kam njohur Nanon. Ai kaloi situate të rënda. Nuk ka qenë hajdut e vjedhës këto akuza ia adresoi Berisha. Ai me mua është sjellë në mënyrë të shkëlqyer pa asnjë lloj interesi, ka dashur të më bëjë dhe drejtor shteti. Ka qenë shumë paqësor, dorëzoi pushtetin. I kulturuar.
Kemi qentë nëpër këmbë sepse është zhgënjyer nga njerëz që ka mbështetur. Pastaj vjen Meta. Ai më ka dashur më ka respektuar. Por në fund fare njerëzit është koha që i njeh. Nuk kam thënë gjëra të mira, le të mbetet te pjesa ime.
Edi Rama. Me të kam pasur një përplasje kur ka qenë kryetar bashkie. Më vonë ka botuar një libër copë copë, s’ka as kulturë letrare. Më ka përmendur emrin aty dhe më ka ironizuar dhe i ktheva reston. Sigurisht ai është bërë sot i fuqishëm, s’ka qenë largpamës. Në pushtet ka ardhur me kulisa”.
Lajme të tjera
-
'Opozita u kthye në parlament, e bindi zëri i arsyes!', Lorenc Vangjeli në 'Frontline Interview': Fati i keq i Berishës po ndikon tek ajo! Politikanët janë të trembur
19 Nëntor, 19:03 -
'Duhet të arrestohen me qindra veta në ditë', shpërthen avokati Romeo Kara: Ata janë agallarë për sa kohë i mbajmë mbi qafën tonë
5 Nëntor, 20:07 -
Deklaratat e Ramës në Selanik, Kocaqi: Janë për fushatë! Nëse na përmendin Vorio-Epirin, t'i përmendim Çamërinë
5 Nëntor, 18:55 -
'SPAK nuk gabon', Ngjela për arrestimin e Metës: S' e priste! Kur të gjithë të thonë hajdut, je i tillë! Po pastrohet krimi shtetëror
22 Tetor, 19:42 -
Arrestimi i Metës, Idajet Beqiri: Dje ishte festë për të gjithë! Shqiptarët u varfëruan prej grabitjeve të tij
22 Tetor, 19:00 -
Elena Kocaqi me parti të re: Do vijmë me frymë të re! Këta krijuan kaos në 35 vite, nuk shkoj tek protestat e atyre që dogjën Shqipërinë dhe shkatërruan ekonominë
8 Tetor, 19:34 -
'Mosbindje false', Dyrnjaja në 'Frontline Interview': Qytetarët e bojkotuan! Berisha ka tmerr nga fjala burg, ka ikur koha kur fliste kallashnikovi
8 Tetor, 18:57 -
Kuvendi në flakë, Asllan Dogjani në 'Frontline Interview': Kushtetuta amerikane parashikon që qytetarët të marrin armët kur shteti punon kundër tyre
1 Tetor, 19:04 -
Mbyllen hetimet për 'Partizanin'/ Avokati: Berisha rrezikon të paktën 15 vite burg, të hetohen dhe ministrat e tij! Meta i mbaruar si politikisht ashtu dhe juridikisht
24 Shtator, 19:40 -
Projekti për shtetin bektashi/ Pastori Akil Pano: Atentat ndaj sovranitetit tonë! Kryeministri po ndez fitilin e një luftë fetare në rajon
24 Shtator, 19:11 -
'Frontline Interview': Nisma për shtetin sovran të Urdhrit Bektashi u përpilua që prej mandatit të dytë të qeverisjes Rama
24 Shtator, 19:10 -
Dosja 'Berisha'/ Avokati Ngjela: Uashingtoni nuk mund ta nxirrte non-grata pa prova! I nxorën pronarë tokës shtetërore
17 Shtator, 19:49
