Ndërsa PD vijon takimet elektorale në Korçë duke shkelur rregullat anti COVID, kryeministri Edi Rama ka reaguar duke e quajtur sjelljen e kryedemokratit Lulzim Basha një këmbëngulje djallëzore që po rrezikon shëndetin e qytetarëve nga COVID. Sipas kryeministrit qytetarët po keqpërdoren në mënyrë mizerable për fushatë.
"'Të gabosh është njerëzore, të këmbëngulësh në gabim është djallëzore', thoshin latinët. Kjo këmbëngulje prej shejtanbudallai në fajin e kërcënimit të shëndetit të njerëzve për interesin mizerabël të një fushate edhe më mizerabël, me makina, bori, zhurmë e turmë, duke bërë përshesh në çdo shesh, është një djallëzi prej njerëzish pa vizion, pa karakter, pa përgjegjësi e as fije njerzillëku”, shkruan Rama.
Duke përmendur që sot vijon dita e 4 e vaksinimit masiv në të gjithë vendin, kryeministri Rama i ka quajtur takimet e Bashës faj të shëmtuar të infektimit masiv me COVID. Në fund Rama shkruan se uron që qytetarët që kanë marrë pjesë në takimet e Bashës ku nuk janë respektuar masat anti COVID, të mos përfundojnë spitaleve.
“*Sot në Tiranë, ku vazhdon vaksinimi masiv e në Korçë, ku u krye një tjetër faj i shëmtuar infektimi masiv. (Lus Zotin që për dy a tre javë që i duhen virusit të kapë rrugët e frymëmarrjes, këta njerëz të verbër e të keqpërdorur, të mos përfundojnë spitaleve për mullaqet e Lulëzimit e për mustaqet e Saliut”, vijon Rama.
Kryeministri sot ka qenë edhe në Shkodër ku teksa ka ndjekur procesin e vaksinimit në qendra shëndetësore, u shpreh i bindur se duke u bazuar në ecurinë e procesit, objektivi për të vaksinuar gjysmë milionë shqiptarë brenda majit, mund të tejkalohet.
PD i është përgjigjur kryeministrit Edi Rama i cili ka sulmuar kreun e PD Lulzim Basha për takimet elektorale të zhvilluara në shkelje të rregullave anti COVID.
Sipas PD humbja e zgjedhjeve e ka bërë nervoz Ramën dhe për këtë ai sulmon takimet tona elektorale.
“I kapur mat në panikun e humbjes, Edi Rama shqetësohet çdo ditë për mikpritjen e shqiptarëve për Lulzim Bashën. Edi Rama e ka kuptuar që shqiptarët duan ndryshimin dhe askush nuk e ndal dot më këtë. Humbja e zgjedhjeve e ka bërë nervoz dhe për këtë ai sulmon takimet tona elektorale. PD është parti që funksionon sipas rregullave dhe ligjeve në fuqi. Kërcënimet dhe keqinformimet e Edi Ramës nuk e ndalojnë dot rrugën drejt fitores së Partisë Demokratike. Në 25 prill rama do të humbë dhe Shqiperia do të fitojë”, thotë PD.
Komente
Lajme të tjera
-
‘Për hajër ura e madhe e Kukësit’, Rama 'thumbon' dhe kritikët: Lutje për ata që thoshin u ndryshk, shani sa më shumë se na shtoni inatin për punë! (VIDEO)
4 Nëntor, 21:14 -
Skënder Minxhozi: Kur humbesh pas detajeve e harron pyllin
4 Nëntor, 20:53
-
'Vorio-Epiri injorancë anti-shqiptare', Ngjela në 'Studio Live': Rama shkoi në Selanik t'u tregojë se jemi të fortë
4 Nëntor, 20:06 -
‘Studio Live’, vizita e Ramës në Selanik, Llalla: Vorio-Epiri jo term i vdekur, Greqia ka ende aktiv Ligjin e Luftës! Beleri dhe Dule kërkojnë ngritjen e statujës së ‘motrës epiriote’ në Athinë
4 Nëntor, 19:32 -
'PD nuk më duket në mosbindje civile, duhet të flasim për buxhetin', Pampuri në 'Studio Live': Arrestimi i Metës, për të bërës pis punën e SPAK
4 Nëntor, 17:40 -
Pas takimit me shqiptarët në Selanik, Rama për mediat greke: Keqinformim për pronat në Himarë! Keqardhje për zhurmën 'Beleri'! Asnjë problem për të forcuar marrëdhëniet me Greqinë
4 Nëntor, 15:18 -
PD jashtë komisioneve ku u diskutua buxheti, Spaho për Report Tv: S’ishte vendim politik, jemi të përjashtuar! Duam qeveri teknike për zgjedhje të lira
4 Nëntor, 14:57 -
Orban fton Ramën të enjten në Budapest! Hungaria mbështet ngritjen e kampeve jashtë BE
4 Nëntor, 14:54 -
Hapet Ura e Madhe në Kukës, merr pjesë në inagurim kryeministri Rama, pritet me këngë dhe valle! Planet me dron
4 Nëntor, 13:40 -
Spartak Ngjela: Edi Rama kaloi në një stad patriotik, të cilin nuk e ka pasur deri tani
4 Nëntor, 11:46
-
Dritan Hila: Pse Rama gjuan në portën pa portier
4 Nëntor, 11:09
-
Zaloshnja: PD-ja dhe votat e emigrantëve, kur kërkon të vësh vetulla, mund të nxjerrësh sytë
4 Nëntor, 09:05
Si gjithmon shqupi entuziast edhe pas humbjeve qe me sa duket do ta pasoj. I gjati me sa duken bathet edhe kete here do jua fus pak. Nderkoh qe ju ka hyr maja.
Përgjigju