POP 5

Lajmet më të lexuara të 5 minutave të fundit

Politikë

'Model suksesi'/ Nga Meta, te Basha dhe Pacolli, shqiptarët urojnë Arba Kokalarin: Shqipëria në Europë

Fitorja e shqiptares Arba Kokalari në Suedi si deputete në Parlamentin Europian ka sjellë reagimet e shumë shqiptarëve në të gjithë botën, por edhe politikës në Tiranë dhe Prishtinë.

'Model suksesi'/ Nga Meta, te Basha dhe Pacolli, shqiptarët urojnë Arba Kokalarin: Shqipëria në Europë

Arba Kokalari

Fitorja e shqiptares Arba Kokalari në Suedi si deputete në Parlamentin Europian ka sjellë reagimet e shumë shqiptarëve në të gjithë botën, por edhe politikës në Tiranë dhe Prishtinë. Presidenti Ilir Meta shkruan se ajo është një model suksesi. "Arba Kokalari, shqiptarja e parë eurodeputete, i bën të lumtur të gjithë shqiptarët dhe meriton mirënjohjen e tyre, jo vetëm si model suksesi në Suedi por edhe përfaqësimi dinjitoz në Europën e Bashkuar".

Ndërsa Lulzim Basha në mesazhin e tij thekson se ishte një natë historike për të gjithë shqiptarët. "Urova në telefon Eurodeputeten e parë shqiptare, shqiptaro-suedezen Arba Kokalari që u konfirmua pak çaste më parë si fituesja e mandatit të eurodeputetes për partinë e Moderatëve suedezë, simotrës tonë në Partinë Popullore Europiane! Natë e paharrueshme për Arbën dhe familjen e saj, natë fitore për Moderatët që konfirmuan 4 eurodeputetë dhe natë historike për të gjithë ne shqiptarët që inagurojmë me Arba Kokalarin praninë shqiptare në ulëset e Parlamentit Europian.

Krenar dhe i lumtur me fitoren e Arbës, ju shpreh mirënjohjen time të gjithë bashkatdhetarëve tanë në Suedi që me votën e tyre e mundësuan këtë moment historik! Dua po kështu t’ju falenderoj me mirënjohje në emrin tim dhe të Partisë Demokratike, të gjithë ju bashkatdhetarë të nderuar në vendet e BE që me votën tuaj për partitë simotra të PD, rikonfirmuat Partinë Popullore Europiane si forcën e parë politike në Parlamentin e ardhshëm Europian! Shqipëria Si Europa" shkruan Basha.

Edhe kryetari i 'Bindjes Demokratike' Astrit Patozi ka reaguar përmes një postimi në Facebook. "Shqipëria mbërriti mbrëmë në Europë me Arba Kokalarin, shumë kohë përpara se të mbërrijë në stacion treni i lodhur dhe me qymyr, i nisur prej vitesh nga Tirana për në Bruksel. Një shenjë e qartë dhe johyjnore, se ata që e kanë vonuar tmerrësisht shumë udhëtimin tonë drejt destinacionit të kombit, veçse mund ta shtyjnë duke e penguar, por nuk mund ta ndalin dot kurrë procesin jetik të integrimit europian të shqiptarëve. Krenarë për eurodeputeten e parë shqiptare! Urimet më të mira asaj dhe familjes së nderuar Kokalari" shkruan ai.

Ndër të parët që e përshëndetën ishte ministri i Jashtëm i Kosovës, Behgjet Pacolli. “Tani kemi lajme të mira nga Suedia. Sapo është konfirmuar se Arba Kokalari me prejardhje shqiptare ka siguruar vendin e saj në Bruksel. Historike, sepse është eurodeputetja e parë shqiptare ndonjëherë. Urime”.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • z.d.p.i: 27/05/2019 13:03

    meta- ik or fundrine

    Përgjigju
  • Nasibiu: 27/05/2019 11:34

    Shiko si lepihen politikanet tane haha

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51