Kryemadhi urdhër LSI-së: Më 30 qershor duhet të merremi me qendra votimi, Meta me dekretin ndaloi sulme terroriste

Kryetarja e LSI, Monika Kryemadhi ka ashpërsuar tonet në fund të mbylljes së fjalës së saj në takimin me Komitetit Drejtues Kombëtar i LSI-së.

Sipas saj më 30 qershor është një datë ku për LSI kanë detyrë primare qendrat e votimit. Ajo u ka bërë thirrje përfaqësuesve të LSI që të bëhen gati për 30 qershorin.

Më pas Kryemadhi ka sulmuar kryeministrin Rama duke thënë se ai duhet të ketë frikë për fundin që e pret.

"Për ne nuk ka rëndësi data e zgjedhjeve, për ne ka rëndësi standardi. Shqiptarët të votojnë të lirë, të zgjedhin të lirë dhe zgjedhjet të jenë të ndershme.Të mos votojnë nën presion, të mos votojnë nën dhunë dhe të mos votojnë nën afshin e eurove të krimit të organizuar. Qoftë edhe të një leku shqiptar, që vjen në blerjen e mendimit të njerëzve. Dhe tjetra, ajo që kam me merak. Detyra jonë është qendrat e votimit. Bëhuni gati, sepse gjërat do të ecin shumë shumë shpejt. Ai po kërkon pazar për kokën e tij. Ne nuk ruajmë kokën e Edi Ramës. T'ia ruajnë ata. Ne kemi për detyrë që të mbrojmë shqiptarët. Shqipëria e ke vendin në BE . Është një vend i vogël dhe një vend i varfër edhe për shkak të fajit politike ne kemi treguar dobësitë tona, por djegia e mandateve ishte ajo që na pozicionoi me qytetarët. Ne do të ishim fasadë e Edi Ramës. Ai do të thoshte se kemi frikë nga drejtësia. Nga drejtësia nuk kanë frikë ata që japin dorëheqjen. Nga drejtësia kanë frikë ata që ikin me dhunë nga pushteti. Dhe kush ikën me dhunë nga pushteti ka fundit më të tmerrshëm",  ka deklaruar Kryemadhi.

Kryetarja e LSI-së ka hedhur sulme ndaj kryeministrit të vendit duke thënë se ai bën jetë luksi ndërsa shqiptarët vuajnë nga varfëria.

Duke folur nga mbledhja e  Komitetit Drejtues Kombëtar i LSI-së, kryetarja e LSI, Monika Kryemadhi ka komentuar edhe dekretin e Presidentit Meta për të zhdekretuar zgjedhjet lokale të 30 qershorit.

Sipas Kryemadhit, Presidenti Meta me anë të vendimit që mori i bëri pritë një konflikti të dhunshëm dhe akte terroriste.

"Për dekretin e Presidentit mos u merrni me të. Nuk është problem për ne. nuk është as 20,30 18... Boll më 30 vjet teatër. Ne duhet ti marrim vetë fatet tona në dorë. Ashtu siç nuk pranojmë ne te huajt në rrugicat tona ashtu s'do të na pranojnë edhe ne. Duhet te kemi struktura të qarta. Përball kemi një grup kriminal. 30 qershori është një datë që do mbahet mend në historinë e Shqipërisë. Dekreti i Metës ndaloi një konflikti. Ishit në protestë me 8 qershor/. I patë reagimet absurd të grupeve që mund të ishin provokatorë që mund të bënin goditje terroristë ne turmen apo policisë. Ramës i intereson dhuna dhe konflikti.  Pasi Edi Rama i jepej roli i viktimës në çdo akt dhune. Dekreti i Presidenti ndaloi një konflikt njerëzor trup më trup. Konflikti është deri në detaj. Nuk është si në Tiranë apo në Lezhë... Kanë probleme që krijojnë konflikte. Më pasi Rami i shantazhon. E ardhmja e shqiptarëve është më shumë se e ardhmja e secilit prej nesh. LSI ka për qëllim të çojë Shqipërinë drejt Europës." ka thënë Kryemadhi. 
 

Kryetarja e LSI-së ka hedhur sulme ndaj kryeministrit të vendit duke thënë se ai bën jetë luksi ndërsa shqiptarët vuajnë nga varfëria.

Sipas Kryemadhit, Edi Rama i ka mbyllur hesapet me Europën.

"Cdo ditë e më shumë po na bëhet si një normalitet. Mjafton tu kujtojmë njerëzve se çfarë hanë shqiptarët në tavolinat e tyre. Si vuajnë për shkollimin e fëmijëve. Dhe mjafton jetën luksoze të një kryeministri. Ai është me gusto por ka qënë me gusto para shumë vitesh pasi tashmë është bërë demodo. Ai harron që ky luks, karficat e floririt dhe charterat, nuk mundit varfërinë e shqiptarëve. Varfërinë do ta mundi vetëm revolta popullore e cila do të jetë e madhërishme për një komb dhe e frikshme për të. Ai heronjtë e kombit i i di si filma. Ai i vetmi akt kombëtar që ka bërë është ti përjetësoj emrat. Ai e ka mbyllur hesapin me Europën. Sepse hesapi i tij nuk është hesap që ka të bëjë me drogën dhe me ekspozitat artistike." ka thënë Kryemadhi.

Kryetarja e LSI, Kryemadhi ka thënë në mbledhjen e Komitetit Drejtues Kombëtar i LSI-së se Edi Rama nuk ka marrë asgjë që ka në jetë me zotësinë e tij por vetëm duke i blerë gjërat.

Më pas Kryamdhi duke sjellë në mend kohën kur PS ishte në opozitë duke pretenduar se kryeministri Rama bënte thirrje që të mos hapeshin vizat.


"Në fakt ne nuk kemi një politikan, por kemi një të sëmur patologjik. Ai i ka marrë meritat nëpërmjet pagesës shantazhit, blerjes së moralit të çdokujt. Një njeri që i ka arritur çdo gjë duke bërë kompromise e kthen në njeri patologjik. Ky njeri merr peng të ardhmen e shqiptarëve. Rilindja me LSI morën një Shqipëri në NATO dhe gati duke marrë statusin gandidat. Por LSI nuk votonte tre ligje për një kryetar qarku të Fierit, pasi votat e tyre të LSI votuan për një anëtar tjetër ishte një vendim politik. Nëse e mbani mend, se vendet në tranzicion siç jemi ne memorjen e kanë shumë të shkurtër ky njeri që na betohet për integrimin, e mbani mend se si kërcënonte për të mos liberalizuar vizat për shkak se do të largohen 1 milion shqiptarë. Në më pak se 28 muaj ky ka shkatërruar procesin Shqipërisë do ti rikthehen vizat. Është një vendim i holandezëve. Tani ka filluar procesin edhe Zvicra."