POP 5

Lajmet më të lexuara të 5 minutave të fundit

Kronikë

I mori 1 mijë euro ryshfet të moshuarës për t'i zgjidhur çështjen, GJKKO dënon me 3 vite burg oficeren gjyqësore në Elbasan! Anila Dushës i kthehet në 4 vite shërbim prove

Oficerja e Policisë Gjyqësore Elbasan u denoncua në shtator nga e moshuara pasi i premtoi se do mbyllte dosjen penale në ngarkim të të birit, ndërkohë akuza 'ndërtim pa leje' ishte amnistuar nga Parlamenti

I mori 1 mijë euro ryshfet të moshuarës për t'i zgjidhur çështjen, GJKKO dënon me 3 vite burg oficeren gjyqësore në Elbasan! Anila Dushës i kthehet në 4 vite shërbim prove

Gjykata e Posaçme

Tirane- Gjykata e Posaçme e Shkallës së Parë dënoi sot me 3 vite burg oficeren e Policisë Gjyqësore Elbasan, Anila (Dushku) Dusha të cilën e shpalli fatjore për akuzën e “korrupsionit pasiv të gjyqtarëve, prokurorëve dhe funksionarëve të tjerë të organeve të drejtësisë”.

Dushi mori 1 mijë euro rryshfet një të moshuareje kundrejt premtimit për të mbyllur çështjen në ngarkim të djalit të saj, për veprën penale “Ndërtim i paligjshëm”, parashikuar nga neni 199/a të Kodit Penal. Rasti u denoncua në shtator 2024.

Trupi gjykues i përbërë nga gjyqtarët Bib Ndreca, Erjon Bani dhe Elsa Ulliri dënoi Anila Dushën me 3 vite burgim. Me pranimin e gjykimit të shkurtuar dënimit i ulet 1/3 e tij, duke e zbritur në 2 vite burg.

Por në zbatim të nenit 59 të Kodit Penal,u aplikua pezullimi i dënimit, dhe lirimi me 4 vite shërbim prove. Gjithashtu GJKKO ndalon punësimin e saj në funksione publike apo administratë për 5 vitet e ardhshme.

Dusha akuzohet se pasi i mori paratë, i premtoi të moshuarës “zgjidhjen e çështjes”, nëpërmjet ndërhyrjeve në sistemin e drejtësisë. Disa ditë pas kryerjes së pagesës, në adresën e denoncueses shkoi një zarf i prokurorisë ku e njofton se ky organ i ka kërkuar gjykatës të pushojë hetimet, për shkak se vepra penale “ndërtim pa leje” për të cilën akuzohej djali i saj, ishte amnistuar nga Kuvendi i Shqipërisë.

Meqë ndërtimi ishte bërë para datës 31 mars 2024, edhe vepra penale "ndërtim i paligjshëm" ishte amnistuar nga Parlamenti. Pra  qytetarja kishte paguar OPGj-së shumën prej 1 mijë eurosh, megjithëse vepra penale ishte amnistuar.

SPAK e dërgoi dosjen drejt GJKKO për proces më 5 Nëntor të këtij viti.

A.Q/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Moti i keq, Lezha në terr! Mijëra banorë të 6 njësive dhe Shëngjinit pa energji elektrike prej 3 ditësh, shkak defektet në rrjet! (VIDEO)

Moti i keq, Lezha në terr! Mijëra banorë të 6 njësive dhe Shëngjinit pa energji elektrike prej 3 ditësh, shkak defektet në rrjet! (VIDEO)

13 Janar, 18:55