POP 5

Lajmet më të lexuara të 5 minutave të fundit

Kosova & Rajoni

Mosdekretimi i kryeprokurorit nga Osmani, BE: Nevojë urgjente për një proces përzgjedhjeje të drejtë, të bazuar në merita

Ambasadori i Bashkimit Evropian në Kosovë,Tomas Szunyog tha se ka një nevojë urgjente për një proces të drejtë dhe të bazuar në merita për përzgjedhjen e posteve brenda sistemit të drejtësisë. Ai reagoi pasi presidentja e Kosovës, Vjosa Osmani njoftoi se nuk do ta dekretonte Blerim Isufajn për postin e Kryeprokurorit të Shtetit.

Mosdekretimi i kryeprokurorit nga Osmani, BE: Nevojë urgjente për një proces përzgjedhjeje të drejtë, të bazuar në merita

Ambasadori i Bashkimit Evropian në Kosovë, Tomas Szunyog ka reaguar pasi presidentja e Kosovës, Vjosa Osmani njoftoi të martën se nuk do ta dekretonte Blerim Isufajn për postin e Kryeprokurorit të Shtetit.

Në një konferencë për mediat, Osmani tha se ka pasur “10 shkelje në procedurën e përzgjedhjes” dhe se “është e detyruar, duke pasur parasysh shkeljet, të mos e bëjë dekretimin” e Isufajt për kryeprokuror.

Pas deklaratës së Osmanit, ambasadori i BE-së ka theksuar nevojën urgjente që procesi i përzgjedhjes të jetë i bazuar në merita dhe transparencë.

“Duke marrë parasysh deklaratën e Presidentes për Kryeprokurorin e Shtetit, theksoj nevojën urgjente për një proces përzgjedhjeje të drejtë, të bazuar në merita, transparencë për postet brenda sistemit të drejtësisë”, ka shkruar Szunyog në X.

Ai gjithashtu u ka bërë thirrje autoriteteve të Kosovës që të ruajnë me vendosmëri parimet dhe standardet më të larta të sundimit të ligjit në zgjedhjen e Kryeprokurorit të Shtetit. 

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça