POP 5

Lajmet më të lexuara të 5 minutave të fundit

Kronikë

Greqia liron Bledar Jambellin e Kristaq Lecin, Krimet e Rënda shtyjnë seancën për vrasjen e Artan Cukut

Me argumentin se Bledar Jambellit i rrezikohet jeta dhe ndaj tij procesi gjyqësorë është i ndikuar drejtësia greke ka refuzuar ta ekstradojë në tiranë duke i dhënë atij lirinë. Jambelli u arrestua si personi që porositi vrasjen e Artan Cukut në prill të 2018, ndërsa ky krim u ekzekutua nga Mikel Shallari me ndërmjetësimin e Kristaq Lecit për të cilin po ashtu është refuzuar ekstradimi.

Greqia refuzon të ekstradojë në Shqipëri Beldar Jambellin personin i cili sipas policisë shqiptare dhe Krimeve të Rënda është ideatori dhe porositësi i vrasjes së ish kryepolicit Artan Cuku.

Vendimi i drejtësisë greke që bllokon ekstradimin e Jambellit u komunikua edhe gjykatës shqiptare e cila ndaj tij dhe Kristaq Lecit kishte nisur gjykimin në mungesë.

Jambelli u prangos në Greqi dhjetorin e vitit 2018 ndërsa arrestimi i tij u bë nga interpol athina me kërkesë të autoriteteve shqiptare.

Lirinë së bashku me Jambellin e ka fituar edhe Leci i cili nga hetimet e prokurorit Henrik Ligori që ndoqi dosjen e vrasjes së kryekomisar Cukut, rezultonte se ishte personi që gjeti vrasësin Mikel Shallari.

Zbardhja e këtij krimi u bë nga gjurmët e ADN-s të cilët Zvicra solli në Shqipëri gjurmë të cilat i përkisnin Mikel Shallarit të riut nga Kucova.

Ai fillimisht mohoi krimin por më pas duke marrë statusin e bashkëpunëtorit nga i cili mori një dënim minimal vetëm prej 10 vitesh rrëfeu se Leci e kish takuar me Jambellin dhe ky i fundit i kërkoi të vriste Cukun kundrejt një shpërblimi prej 20 mijë euro, para të cilat ai si mori kurrë por vetëm 3 mijë euro.

Artan Cuku u vra më 8 Prill 2017 teksa kthehej në banesën e tij pranë rrugës së kosovarëve në tiranë. Disa javë pas atentati që i mori jetën Cukut hetimet zbuluan si ekzekutuar të këtij krimi Mikesh Shallarin të riun nga Kucova.

Më pas Shallari duke bashkëpunuar më drejtësisë tregoi skemën e krimit e hetuar si vrasje për shkak të detyrës, vrasje pas të cilës si porositës qëndronte Bledar Jambelli.

Jambelli rezulton i skeduar nga policia edhe vite më parë ndërsa përplasjen me Artan Cukun e ka patur pasi Cuku si drejtues i policisë së Vlorës e kishte arrestuar atë vite më parë.

Kjo dosje tashmë do të mbetet e hapur dhe përballja e Jambellit me drejtësinë shqiptare do të ndodh vetëm nëse ai vjen në Shqipëri dhe arrestohet, ndërsa në mungesë ai nëpërmjet avokatit do të kërkoj pafajsinë.

Bledar Jambelli dhe Artan Cuku

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ai cuni: 02/11/2019 02:47

    Pse merreni me llafe ju shqipe, ik punoni se jeni PA buk

    Përgjigju
  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

25 Prill, 01:01