Pas ditëve përvëluese, moti mori një tjetër kthesë mbrëmjen e së martës. Në disa qytete përfshirë Tiranën, Fierin, Sarandën, Vlorën e Kukësin janë rikthyer reshjet e shiut dhe stuhi të forta ere.

Në Kukës erërat e forta kanë shkaktuar problem në disa fshatra, kryesisht sa i përket furnizimit me energji elektrike. 

Nga stuhia që zgjati vetëm 10 minuta në qytetin bregdetar të Vlorës u rrëzuan pemë, u dëmtuan tendat e karriget e lokaleve si dhe çadrat e vendosura në plazhe. Ndërkohë disa nga karriget e lokaleve në zonën e Lungomares 'fluturuan' nga era e fortë në rrugën kryesore.

Stuhia duket se ka qenë më e fortë në qytetin bregdetar të Sarandës, ku era e fortë ka rrëzuar disa pemë në mes të bulevardit, por pa shkaktuar dëme në njerëz. Ndërkohë, tre automjete janë dëmtuar si pasojë e rrëzimit të një pishe në zonën e stadiumit.

Më herët edhe specialistja e Institutit të Gjeoshkencave, Anira Gjoni, tha për Report Tv se pse java nisi me temperatura të larta, vijimi i saj do të jetë më i freskët. Rënia më e ndjeshme  e temperaturave pritet të shënohet të premten.

Rendit zhvillimet sipas orarit:
Ora 23:08
Saranda 'pushtohet' nga moti i keq, rrëzimi i një pishe dëmton tre automjete (VIDEO)

 

Edhe Saranda është 'pushtuar' sonte nga reshjet e shiut dhe erërat e forta.

Tre automjete janë dëmtuar si pasojë e rrëzimit të një pishe në zonën e stadiumit

Xh.K/Shqiptarja.com

Xh.K/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Korrik, 07:09

    Territorialja, si e vlerësoni propozimin e PS për më pak bashki dhe ndarje në rajone?

Lajme të tjera