Motrat Berishaj në kërkim nga policia, reagon sërish Klea Prenga, mesazh nënës së vajzave që e dhunuan brutalisht: E vërteta do dalë në dritë

Klea Prenga, e cila u dhunua brutalisht nga ish-banorja e Big Brother Antonela Berishaj në një lokal në Tiranë, pas një konflikti për partnerin e motrës së saj Mariela Berishaj, ka reaguar sërish në rrjetet sociale.

Ajo ka bërë një shkrim pas reagimit që bëri në InstaStory nëna e tyre, Donika Marashi. Klea bëri një postim, në të cilin publikoi një koment të së ëmës, ku e kishte ofenduar rëndë.

“Marr shkak të bëj këtë postim pasi mamaja e dy personave që kryen sulmin brutal ndaj meje ka vendosur të postojë në Instagram Story një deklaratë ku përmend faktin që distancohet publikisht nga çdo adresë që është hapur për të denigruar palën tjetër që jam unë.

LEXO EDHE:
Ish konkurentja e Big Brother dhe e motra i thyen shishen në fytyrë, Klea Prenga humb punën si blogere! Zbardhet akt ekspertiza: Plaga e pariparueshme

Kjo e njëjta person, në momentin kur unë publikova fotot e plagëve pas sulmit, ishte një ndër komentueset e para, koment të cilin e fshiu brenda 5 minutash. Ajo përdori një gjuhë të degjeneruar dhe të pahijshme kundër meje dhe motrës time, duke vërtetuar se fjalët dhe veprimet e saj janë krejt të ndryshme nga ajo që pretendon publikisht. Po i rikujtoj zonjës komentin e saj dhe fjalorin e përdorur me foton më poshtë.

Prej disa javësh, jam përballur me dhjetëra profile të rreme në TikTok të hapura nga i njëjti person, të cilat postojnë komente fyese dhe denigruese ndaj meje në mënyrën më të ulët të mundshme. Për më tepër, janë postuar edhe foto të familjarëve të mi. Unë qëndroj gjithmonë e hapur dhe e sinqertë përballë publikut, pa u fshehur pas identiteteve të rreme. Ndryshe nga disa njerëz, unë nuk përdor fjalë të ulëta apo komente fyese për t’u mbrojtur apo për të sulmuar dikë tjetër. E vërteta ime është publike dhe e qartë për këdo që ka parë dhe të shohë faktet. Drejtësia dhe e vërteta gjithmonë dalin në dritë, pavarësisht se sa kohë mund të marrë”, shkruan ajo.

Klea Prenga u dhunua barbarisht nga motrat Berishaj teksa ishte duke darkuar në një restorant në kryeqytet. Sipas modeles ngjarja ka ndodhur të martën e 6 gushtit dhe teksa ishte duke ngrënë motrat e kanë goditur me sende të forta duke i shkaktuar dëmtime të konsiderueshme në fytyrë.

Ndërkohë dy motrat, Antonela dhe Mariela Berishaj akuzohen për plagosje të rëndë me dashje, kryer në bashkëpunim dhe rrezikojnë burg deri në 10 vjet.

M.Q./Shqiptarja.com

TAG:
• mariela berishaj
• antonela berishaj
• klea prenga