Mundësi riafrimi e Bashës me Ramën? Kryemadhi: Lideri demokrat është joshur, por ka rezistuar

Monika Kryemadhi mohoi që të ketë një mundësi riafrimi mes PS dhe LSI duke thënë se shprehja ‘never say never’ është për burrat dhe jo për gratë pasi ato nuk bëjnë kompromise mbi të ardhmen. Nëse do të jetë një afrim mes Bashës dhe Ramës, Kryemadhi tha se ka pasur tentativa për ta joshur kreun e PD, por ai ka rezistuar me seriozitet.

"A ekziston një mundësi riafrimi e Bashës me Ramën, a i druheni kësaj? Kjo nuk është një pyetje që duhet të më bëhet mua. Kjo është një pyetje që i duhet bërë zotit Basha. Por unë dua të theksoj, është që zotin Basha jo vetëm që e kanë intimiduar, kërcënuar apo edhe e kanë joshur për të realizuar një gjë të tillë. Por rezistenca e tij ka qenë për hir të së vërtetës jashtëzakonisht serioze. Ai jo vetëm që nuk ka pranuar një gjë të tillë, por zoti Rama jam e bindur që vazhdon edhe sot e kësaj dite, jo vetëm me zotin Basha.

Po me ju të LSI-së?Me ndonjë nga LSI-ja po, por me mua s’ka shanse. Sepse kjo “Never say never” është për burrat, jo për gratë. Gratë janë më adapte në këtë punë, sepse gratë nuk bëjnë kompromis me të ardhmen e fëmijëve", tha Kryemadhi.

Lajmi kryesor:

Kryemadhi në Report Tv: Kryeministri i përdor listat e hapura për të hequr vëmendjen nga situata! Basha është joshur për t'u afruar me Ramën, por ka rezistuar

/r.k./Shqiptarja.com

TAG:
• monika kryemadhi
• 5 pyetje nga babaramo
• zgjedhjet parlamentare 2021