POP 5

Lajmet më të lexuara të 5 minutave të fundit

Politikë

Mungesa pa arsye në Kuvend, ‘gjobiten’ deputetët! Kuvendi ‘kurseu’ 7.3 mln lekë të vjetra! Ori Nebiaj më e penalizuara

Mungesa në seanca plenare apo mbledhjet e komisioneve parlamentare ka bërë që një pjesë e deputetëve të Kuvendit ta ndiejnë në xhepin e tyre. 7.3 mln lekë të vjetra është totali i penaliteve të vendosura ndaj ligjvënësve që nuk janë paraqitur në punë, ndërsa deputetja më e penalizuar është Orjela Nebiaj

Nëse nuk paraqitesh në punë dhe nuk e arsyeton mungesën tënde para eprorëve me një arsye të përligjur, atëherë nuk të paguhet dita e punës. Këtij rregulli nuk i kanë shpëtuar as deputetët e kuvendit të Shqipërisë, që shpesh herë në opinion shihen si të favorizuar apo ndonjëherë edhe të paprekshëm.

Vetëm për muajin korrik ndaj deputetëve të të dyja kampeve politike, kuvendi ka vendosur penalitete me një total prej 7.3 milion lekësh të vjetra për mospjesëmarrje në aktivitetet parlamentare dhe mungesa të pajustifikuara.

Pas një analize të thjeshtë të të dhënave që publikohen në faqen zyrtare të kuvendit, për korrikun rezulton se deputetja me penalitetin më të madh, që do të thotë me mungesat më të shumta, është Ori Nebiaj, deputetja e Partisë Demokratike, të cilës i janë mbajtur nga paga mbi 61 mijë lekë të reja, për 6 mungesa në kuvend.

Pas saj, vijnë deputetët opozitarë Andia Ulliri dhe Agron Duka me minus 51 mijë lekë të reja nga paga për shkak të mungesave të pajustifikuara, ndjekur nga deputetet Agron Shehaj dhe Meri Markiçi me 40 mijë lekë, apo deputeti socialist Plarent Ndreca me 30 mijë lekë penalitet.

Muaji i nxehtë i korrikut, fundi i sesionit parlamentar apo ndoshta edhe aktivitete të tjera jashtë axhendës së tyre si deputetë, ka bërë që këta të fundit t’ja lejojnë vetes disa mungesa më shumë. Megjithatë, këto nuk janë shifrat më të larta të penaliteteteve që kanë njohur deputetët.

Kaosi parlamentar që shoqëroi kuvendin thuajse përgjatë gjithë sesionit të kaluar parlamentar, e më pas edhe përjashtimet e deputetëve të opozitës për shkak të bllokimit të foltores, ka bërë që kryesisht deputetët e opozitës të njihnin penalitete deri në mbi 1.2 mln lekë të vjetra nga rroga e muajit dhjetor për shkak të përjashtimeve po mungesave.

Informacion për pagat e deputetëve

M.Q./xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Jola: 13/08/2024 03:02

    Pika per deputete injorante qe kemi. Mbi te gjitha urrejne vendin, se po ta donin do kishin bere ndonje te mire

    Përgjigju
  • Qytetari: 12/08/2024 16:21

    Shqiperia ska nevoje per 140 deputete. Madje dhe 100 jane shume!!!

    Përgjigju
  • Qytetari: 12/08/2024 13:51

    Po ku e kan problem deputetet per ap leke,te gjithe me biznese,me disa pune,me korrupsion e te tjera,parlamenti i shqiperise ka me shum rrygecer se sa njerez te disiplinuar.

    Përgjigju
  • Qyetari: 12/08/2024 13:20

    Party party, Disco disco. Deputetet e Lulit kane mendjen te harbohen neper klube e plazhe. Se keni degjuar kete kur flet per ndonje teme qe mezi shprehet dhe eshte si e ngadalte, i jane djegur neuronet e trurit nga alkoli i konsumuar.

    Përgjigju
  • Sondazhi i ditës:

    PS abstenon e s'e çon mandatin e Xhaçkës në Kushtetuese, si e vlerësoni?

Lajme të tjera



×

Lajmi i fundit

Një javë për të mos u harruar në Tring Sport

Një javë për të mos u harruar në Tring Sport

13 Shtator, 16:10